തിരുവനന്തപുരം: കോളേജ് ഗസ്റ്റ് അധ്യാപകരുടെ ശമ്പളം വർധിപ്പിച്ച് ഉന്നത വിദ്യഭ്യാസ വകുപ്പ്. കോളേജ് വിദ്യാഭ്യാസ വകുപ്പിനും സാങ്കേതിക വിദ്യഭ്യാസ വകുപ്പിനും കീഴിലെ ഗസ്റ്റ് അധ്യാപകരിൽ യുജിസി യോഗ്യതയുള്ളവർക്ക് പ്രതിദിനം 2200 രൂപ നിരക്കിൽ മാസം പരമാവധി 50000 രൂപ വരെയാണ് ലഭിക്കുക. യുജിസി യോഗ്യത ഇല്ലാത്ത ഗസ്റ്റ് അധ്യാപകർക്ക് പ്രതിദിനം 1800 രൂപ എന്ന നിരക്കിൽ 45000 രൂപയുമാണ് ഇനി മുതൽ ലഭിക്കുക. 

2018 യുജിസി ശമ്പള പരിഷ്കരണത്തെ തുടർന്ന് ഗസ്റ്റ് അധ്യാപകരുടെ ശമ്പളം 
പരിഷ്കരിക്കണമെന്ന ആവശ്യം സർക്കാരിലേക്ക് ലഭിച്ചിരുന്നുവെന്ന് മന്ത്രി കെആർ ബിന്ദു പറഞ്ഞു. കൂടാതെ നവ കേരള സദസ്സിലും ഗസ്റ്റ് അധ്യാപകർ നിരവധി അപേക്ഷകൾ സമർപ്പിക്കുകയും ചെയ്തിരുന്നു.

ഈ വിഷയത്തിൽ കോളേജ് വിദ്യാഭ്യാസ ഡയറക്ടറും ശുപാർശ നൽകിയിരുന്നുവെന്നും ഇതെല്ലം പരിഗണിച്ചാണ് ഗസ്റ്റ് അധ്യാപകരുടെ വേതന വർധിപ്പിക്കാൻ തീരുമാനിച്ചതെന്ന് കെആർ ബിന്ദു വ്യക്തമാക്കി. 

Higher Education Department issues order to increase the salaries of college guest teachers