മ്യൂണിക്ക്: യുവേഫ നാഷന്‍സ് ലീഗില്‍ മൂന്നാം സ്ഥാനക്കാര്‍ക്ക് വേണ്ടിയുള്ള പോരാട്ടത്തില്‍ ജര്‍മനിയെ തകര്‍ത്ത് ഫ്രാന്‍സ്. എതിരില്ലാത്ത രണ്ടുഗോളുകള്‍ക്കാണ് ജര്‍മനിയെ ഫ്രാന്‍സ് തകര്‍ത്തത്. ആദ്യ പകുതി അവസാനിക്കാനിരിക്കെ 45ാം മിനുട്ടില്‍ ഫ്രാന്‍സ് ടീം ക്യാപ്റ്റന്‍ കൂടിയായ കിലിയന്‍ എംബാപ്പെയാണ് ആദ്യ ഗോള്‍ നേടിയത്. ഓറെലിന്‍ ചൗമേനിയില്‍ നിന്നുള്ള മികച്ചൊരു പാസില്‍ നിന്നായിരുന്നു എംബാപ്പെയുടെ ഗോള്‍ പിറന്നത്. 

ഫ്രാന്‍സിന്റെ രണ്ടാം ഗോളിന് വഴിയൊരുക്കിയതും എംബാപ്പെ തന്നെയാണ്. റോബിന്‍ കോച്ചിന്റെ പിഴവില്‍ നിന്ന് പന്ത് പിടിച്ചെടുത്ത എംബാപ്പെ നിസ്വാര്‍ത്ഥമായ നീക്കത്തിലൂടെ മൈക്കില്‍ ഒലിസെയ്ക്ക് പന്ത് കൈമാറുകയായിരുന്നു. ഒലിസെ അനായാസം ഗോള്‍ നേടുകയും ചെയ്തു. അതേസമയം ജര്‍മനി മത്സരത്തില്‍ തീര്‍ത്തും നിരാശപ്പെടുത്തിയെന്ന് പറയാനാവില്ല. പെനാല്‍റ്റി ടീമിന് അനുകൂലമായി ലഭിച്ചിരുന്നു. എന്നാല്‍ വാര്‍ പരിശോധനയില്‍ പെനാല്‍റ്റി തീരുമാനം പിന്‍വലിക്കപ്പെട്ടു. അതുപോലെ ടീം നേടിയ ഗോളും പരിശോധനയില്‍ പിന്‍വലിക്കേണ്ടി വന്നു. 

ഫ്രാന്‍സ് ഗോളി മൈക്കി മെയ്ഗ്നാന്‍ കരീം അദിയേമിയെ വീഴ്ത്തിയതിനായിരുന്നു ജര്‍മനിക്ക് അനുകൂലമായി പെനാല്‍റ്റി ലഭിച്ചത്. എന്നാല്‍ വാര്‍ പരിശോധനയില്‍ പിഴ് അദിയേമിയുടെ ഭാഗത്താണെന്ന് കണ്ടെത്തുകയായിരുന്നു. 

ഡെനിസ് ഉന്‍ദാവ് മത്സരത്തില്‍ ജര്‍മനിക്കായി ഗോള്‍ നേടിയെങ്കിലും അഡ്രിയാന്‍ റാബിയറ്റ് നിക്ലാസ് ഫുല്‍ക്രഗിനെ ഫൗള്‍ ചെയ്തത് കൊണ്ട് ഈ ഗോള്‍ അനുവദിച്ചില്ല. മെയ്ഗന്‍ മത്സരത്തില്‍ അദിയേമിയുടെ മൂന്ന് ഗോള്‍ ഷോട്ടുകളാണ് സേവ് ചെയ്തത്. 
അതേസമയം ഫ്രാന്‍സിനും മത്സരത്തില്‍ സ്‌കോര്‍ വര്‍ധിപ്പിക്കാന്‍ നിരവധി അവസരങ്ങള്‍ ലഭിച്ചിരുന്നു. മാര്‍ക്രസ് തുറാമിന്റെ മികച്ചൊരു ഷോട്ട് പോസ്റ്റില്‍ തട്ടി മടങ്ങിയിരുന്നു. എംബാപ്പെയുടെ നിരവധി ഷോട്ടുകളും ലക്ഷ്യം കണ്ടില്ല. മറ്റൊരു മികച്ച ഷോട്ട് മാര്‍ക്-ആന്ദ്രേ ടെര്‍സ്റ്റീഗന്‍ സേവ് ചെയ്തു. ജര്‍മനിക്ക് അവസാനം കളിച്ച മൂന്നുമത്സരങ്ങളിലും വിജയിക്കാന്‍ സാധിച്ചിട്ടില്ല. പോര്‍ച്ചുഗലിനോട് സെമിയില്‍ തോറ്റതും അവര്‍ക്കേറ്റ വലിയ തിരിച്ചടിയാണ്.

Kylian Mbappé inspired France to a thrilling victory over Germany in the UEFA Nations League third-place playoff. The French superstar’s brilliance ensured his team finished the tournament on a high, while Germany was left to rue missed opportunities. A dominant display by Les Bleus cements their status as one of football’s top contenders.