ദോഹ: ആസ്റ്റര്‍ ഡി.എം ഹെല്‍ത്ത് കെയറിലെ ഡോ. മുഹമ്മദ് നാസര്‍ മൂപ്പന്റെ നിര്യാണത്തില്‍ തേങ്ങി ദോഹയിലെ മലയാളി സമൂഹം. ആസ്റ്റര്‍ ഡി.എം ഹെല്‍ത്ത് കെയര്‍ ഖത്തര്‍ മെഡിക്കല്‍ ഡയറക്ടറും പ്രമുഖ ENT കണ്‍സള്‍ട്ടന്റുമായ ഡോ. മുഹമ്മദ് നാസര്‍ മൂപ്പന്‍(69) ദുബൈയില്‍ വച്ച് ഇന്നലെയാണ് നിര്യാതനായത്. ഖത്തറിലെ ആസ്റ്റര്‍ ഡി.എം ഹെല്‍ത്ത് കെയറിന്റെ വളര്‍ച്ചയില്‍ വലിയ പങ്കുവഹിച്ച വ്യക്തിത്വം കൂടിയായിരുന്നു.

കോഴിക്കോട് മെഡിക്കല്‍ കോളേജ്, ജെ.ജെ.എം മെഡിക്കല്‍ കോളേജ് മൈസൂര്‍ എന്നിവിടങ്ങളില്‍ നിന്ന് പഠനം പൂര്‍ത്തിയാക്കിയ ഡോ. നാസര്‍ മൂപ്പന്‍ 2002ലാണ് ആസ്റ്റര്‍ ഡി.എം ഹെല്‍ത്ത് കെയറിന്റെ ഭാഗമായത്.
ആസ്റ്റര്‍ ഡി.എം ഹെല്‍ത്ത് കെയര്‍ സ്ഥാപകനും ചെയര്‍മാനുമായ ഡോ. ആസാദ് മൂപ്പന്റെ സഹോദരീ പുത്രനാണ്. 
പരേതനായ ഡോ.സൈനുദ്ധീന്‍ മൂപ്പന്‍ ആണ് പിതാവ്.
മാതാവ്: പരേതയായ സുലൈഖ. ഭാര്യ: വാഹിദ. മക്കള്‍: നദ(ദുബൈ), നിമ്മി(ദുബൈ), സൈന്‍(ആസ്‌ട്രേലിയ). മരുമക്കള്‍: ഹാനി, ദര്‍വീശ്, നഹീദ.

 

 

 

 

 

View this post on Instagram

 

 

 

 

 

 

 

 

 

 

 

A post shared by Dr.Azad Moopen (@drmoopen)

നിര്യാണത്തില്‍ ആസാദ് മൂപ്പന്‍ അനുശോചിച്ചു. 
അദ്ദേഹത്തിന്റെ അനുശോചന സന്ദേശം:

'ആസ്റ്റര്‍ ഖത്തറിലെ നമ്മുടെ മെഡിക്കല്‍ ഡയറക്ടറും ഇ.എന്‍.ടി. കണ്‍സള്‍ട്ടന്റുമായ ഡോ. നാസര്‍ മൂപ്പന്റെ വിയോഗം, അഗാധമായ ദുഖവും, ആഴത്തിലുള്ള നഷ്ടവുമാണ് സൃഷ്ടിച്ചിരിക്കുന്നത്.
ഡോ. നാസര്‍ നമ്മുടെ മെഡിക്കല്‍ സമൂഹത്തിന്റെ തൂണായിരുന്നുവെന്നതുപോലെ, കരുണയുള്ള ഡോക്ടറും പ്രതിബദ്ധത നിറഞ്ഞ നേതൃ മുഖവും ആസ്റ്റര്‍ കുടുംബത്തിലെ അനേകം സുഹൃത്തുക്കള്‍ക്കിടയിലെ പ്രിയപ്പെട്ട സഹപ്രവര്‍ത്തകനുമായിരുന്നു. വര്‍ഷങ്ങളായി, ഡോ. നാസര്‍ വിശ്വാസ്യതയും സഹാനുഭൂതിയും നിറഞ്ഞ മൂല്യങ്ങള്‍ ചേര്‍ത്തുപിടിച്ച് മറ്റുള്ളവര്‍ക്കായുള്ള സേവനത്തിന് തന്റെ ജീവിതം സമര്‍പ്പിച്ചു.
ഖത്തറില്‍ ആരോഗ്യസംരക്ഷണ മേഖലയ്ക്ക് അദ്ദേഹം നല്‍കിയ സംഭാവനകള്‍ മായാതെ നിലകൊള്ളും. അദ്ദേഹത്തിന്റെ കരുതലിലും, പിന്തുണയിലും ആശ്വാസം നേടിയ അനേകം ജീവിതങ്ങളിലൂടെ അദ്ദേഹത്തിന്റെ ഓര്‍മ്മകള്‍ എന്നും നിലനില്‍ക്കും. ഞാനും ആസ്റ്റര്‍ ഡി.എം. ഹെല്‍ത്ത്‌കെയര്‍ കുടുംബമൊന്നാകെയും, അദ്ദേഹത്തിന്റെ കുടുംബത്തിനും പ്രിയപ്പെട്ടവര്‍ക്കും സഹപ്രവര്‍ത്തകര്‍ക്കും, അദ്ദേഹത്തെ പരിചയപ്പെട്ട എല്ലാ ആളുകള്‍ക്കും ഹൃദയത്തില്‍ നിന്നുള്ള അനുശോചനം രേഖപെടുത്തുന്നു. 
അദ്ദേഹത്തിന്റെ ആത്മാവിന് നിത്യ ശാന്തി ലഭിക്കാന്‍ പ്രാര്‍ത്ഥിക്കുന്നു.'
ഡോ. അസാദ് മൂപ്പന്‍
(സ്ഥാപക ചെയര്‍മാന്‍, ആസ്റ്റര്‍ ഡി.എം. ഹെല്‍ത്ത്‌കെയര്‍).

Malayalis in Doha mourn the passing of Dr. Muhammad Nasser Moopan of Aster DM Healthcare