ജര്‍മ്മനിയിലെ മ്യൂണിക്കില്‍ നടന്ന യുവേഫ നേഷന്‍സ് ലീഗ് ഫൈനലിനിടെ ഗാലറിയില്‍ നിന്ന് വീണ് ആരാധകന്‍ മരിച്ചു. ഞായറാഴ്ച പോര്‍ച്ചുഗലും സ്‌പെയിനും തമ്മില്‍ നടന്ന ഫൈനല്‍ മത്സരത്തിന്റെ എക്‌സട്രാ ടൈമിലായിരുന്നു സംഭവം. റിപ്പോര്‍ട്ടുകളനുസരിച്ച്, ആരാധകന്‍ ഗാലറിയുടെ മുകളില്‍ നിന്ന് വീണ് ഗുരുതരമായി പരുക്കേറ്റ ആരാധകനെ സ്ഥലത്തെത്തിയ മെഡിക്കല്‍ ടീം പരിശോധിച്ചെങ്കിലും അദ്ദേഹത്തിന്റെ ജീവന്‍ രക്ഷിക്കാന്‍ കഴിഞ്ഞില്ല. മരിച്ചയാളെക്കുറിച്ച് ഇപ്പോഴും കൂടുതല്‍ വിവരങ്ങള്‍ വെളിപ്പെടുത്തിയിട്ടില്ല. യുവേഫ മരണ വിവരം ഔദ്യോഗികമായി സ്ഥിരീകരിച്ചിട്ടുണ്ട്. സംഭവത്തില്‍ പോര്‍ച്ചുഗല്‍, സ്‌പെയിന്‍ ടീമുകള്‍ ദുഃഖം പ്രകടിപ്പിച്ചു.

ഫൈനല്‍ മത്സരത്തില്‍ പോര്‍ച്ചുഗല്‍ സ്‌പെയിനെ പെനാല്‍റ്റി ഷൂട്ടൗട്ടില്‍ തോല്‍പ്പിച്ച് വിജയം നേടി. പെനല്‍റ്റി ഷൂട്ടൗട്ടിലേക്കു നീണ്ട മത്സരത്തില്‍ പോര്‍ച്ചുഗലിനായി കിക്കെടുത്ത എല്ലാവരും ലക്ഷ്യം കണ്ടു. എന്നാല്‍ മറുവശത്ത്, സ്പാനിഷ് താരം അല്‍വാരോ മൊറാട്ടയുടെ പെനല്‍റ്റി പോര്‍ച്ചുഗല്‍ ഗോള്‍കീപ്പര്‍ ഡിയോഗോ കോസ്റ്റ തടഞ്ഞത് മത്സരം പോര്‍ച്ചുഗലിന് അനുകൂലമാക്കി.

പോര്‍ച്ചുഗലനായി റൊണാള്‍ഡോ നേടുന്ന മൂന്നാം കിരീടമാണിത്. (2016 യൂറോ, 2019 നേഷന്‍സ് ലീഗ്). ഇതോടെ അന്താരാഷ്ട്ര കരിയറില്‍ റൊണാള്‍ഡോ നേടുന്ന ഗോളുകളുടെ എണ്ണം 138 ആയി.

A football fan tragically died after falling from the stands during the UEFA Nations League final between Portugal and Spain in Munich. Emergency medical teams responded but could not save his life. UEFA confirmed the incident, and both teams expressed grief. Read more about the shocking event.