ദുബൈ: ബലിപെരുന്നാള്‍ അവധിക്കാലത്ത് ദുബൈ സന്ദര്‍ശിച്ചത് 629,559 പേരാണെന്ന് ജനറല്‍ ഡയറക്ടറേറ്റ് ഓഫ് ഐഡന്റിറ്റി ആന്‍ഡ് ഫോറിനേഴ്‌സ് അഫയേഴ്‌സ് അറിയിച്ചു.

ജൂണ്‍ 5 മുതല്‍ ജൂണ്‍ 8 വരെയുള്ള നീണ്ട വാരാന്ത്യത്തില്‍ ദുബൈ അന്താരാഷ്ട്ര വിമാനത്താവളം വഴി 581,527 യാത്രക്കാരും ഹത്ത അതിര്‍ത്തി പോസ്റ്റ് വഴി 46,863 യാത്രക്കാരും തുറമുഖം വഴി 1,169 യാത്രക്കാരുമാണ് എമിറേറ്റിലേക്കെത്തിയത്.

ALSO READ: UAE Job Alert: ദുബൈയിൽ ആറു ലക്ഷം രൂപയ്ക്ക് മുകളിൽ ശമ്പളമുള്ള പ്രവാസികൾക്ക് അപേക്ഷിക്കാവുന്ന 10 സർക്കാർ ജോലികൾ; അപേക്ഷിക്കേണ്ട വിധം ഇങ്ങനെ

ലോകമെമ്പാടുമുള്ള യാത്രക്കാര്‍ക്ക് പ്രിയപ്പെട്ട യാത്രാ കേന്ദ്രമായി മാറുന്ന ദുബൈയുടെ ക്രമാനുഗതമായ വളര്‍ച്ചയാണ് ഈദ് അവധിക്കാലത്ത് രേഖപ്പെടുത്തിയ കണക്കുകള്‍ പ്രതിഫലിപ്പിക്കുന്നതെന്ന് എയര്‍ പോര്‍ട്ട് സെക്ടര്‍ അസിസ്റ്റന്റ് ഡയറക്ടര്‍ ജനറല്‍ മേജര്‍ ജനറല്‍ തലാല്‍ അല്‍ ഷങ്കീതി പറഞ്ഞു. എമിറേറ്റിലെ സുഗമമായ ഏകോപനവും എല്ലാ എന്‍ട്രി പോയിന്റുകളിലും സ്മാര്‍ട്ട് സംവിധാനങ്ങള്‍ സജീവമാക്കിയതുമാണ് ഇത്രയും പേരെ സ്വാഗതം ചെയ്യാന്‍ എമിറേറ്റിനായത്.

'സ്മാര്‍ട്ട് ഗേറ്റുകളിലൂടെയും ആര്‍ട്ടിഫിഷ്യല്‍ ഇന്റലിജന്‍സ് സാങ്കേതികവിദ്യകളിലൂടെയും തടസ്സമില്ലാത്ത യാത്രാനുഭവം ഉറപ്പാക്കുന്നതിന് ഞങ്ങള്‍ മുന്‍ഗണന നല്‍കിയിട്ടുണ്ട്, ഇത് നടപടിക്രമങ്ങള്‍ വേഗത്തിലാക്കാനും യാത്രക്കാരുടെ ഒഴുക്ക് മെച്ചപ്പെടുത്താനും സഹായിച്ചിട്ടുണ്ട്. വ്യക്തികളുടെ പ്രതീക്ഷകള്‍ നിറവേറ്റുന്നതിനും സ്ഥാപനങ്ങളുടെ സന്നദ്ധത വര്‍ദ്ധിപ്പിക്കുന്നതിനുമുള്ള ദുബൈ സര്‍ക്കാരിന്റെ സമീപനത്തിന് അനുസൃതമായി, ജീവിത നിലവാരം ഉയര്‍ത്തുന്നതിനുള്ള ഞങ്ങളുടെ പ്രതിബദ്ധതയുടെ ഭാഗമായി സന്ദര്‍ശകരുടെ യാത്രാനുഭവം മാറിയിരിക്കുന്നു' മേജര്‍ ജനറല്‍ അല്‍ ഷാന്‍കീതി പറഞ്ഞു.

ALSO READ: പ്രവാസികളുടെ പ്രത്യേക ശ്രദ്ധയ്ക്ക്, വിദേശത്ത് പോകുന്നത് നാട്ടുകാരെ അറിയിക്കാൻ ബോർഡിംഗ് പാസ് ഫോട്ടോ എടുത്ത് സോഷ്യൽ മീഡിയയിൽ ഇടേണ്ട; മുന്നറിയിപ്പ് നൽകി വിദഗ്ധർ

നൂതനാശയങ്ങള്‍ക്കും തുടര്‍ച്ചയായ വികസന ആവശ്യകതകള്‍ക്കും അനുസൃതമായി, ഫ്‌ലെക്‌സിബിള്‍ തൊഴില്‍ അന്തരീക്ഷത്തില്‍, ഉയര്‍ന്ന കാര്യക്ഷമതയോടെ അസാധാരണമായ യാത്രാ സീസണുകള്‍ കൈകാര്യം ചെയ്യുന്നതിനുള്ള വ്യോമയാന, അതിര്‍ത്തി മേഖലകളിലെ തന്ത്രപരമായ പങ്കാളികളുമായി സഹകരിച്ചും സംയോജിതമായും ഏകോപിപ്പിച്ചും ജിഡിആര്‍എഫ്എ ദുബൈയുടെ കഴിവിനെ ഈ ഫലങ്ങള്‍ പ്രതിഫലിപ്പിക്കുന്നു.