കോഴിക്കോട്: മലാപ്പറമ്പ് സെക്‌സ് റാക്കറ്റ് കേസില്‍ 2 പൊലിസുകാരെ കൂടി പ്രതി ചേര്‍ത്തു. പൊലിസ് ഡ്രൈവര്‍മാരായ കെ. സനിത്ത്, ഷൈജിത്ത് എന്നിവരെയാണ് കേസില്‍ പ്രതി ചേര്‍ത്തത്. പെണ്‍വാണിഭ കേന്ദ്രത്തിന്റെ നടത്തിപ്പുകാരിയുമായി ഇവര്‍ക്ക് അടുത്ത ബന്ധമുണ്ടായിരുന്നെന്ന് കണ്ടെത്തിയിരുന്നു. കേസില്‍ പ്രതി ചേര്‍ക്കപ്പെട്ടവരുടെ ആകെ എണ്ണം ഇതോടെ 12 ആയി.

പ്രതി ചേര്‍ക്കപ്പെട്ട പൊലിസുകാര്‍ക്ക് പെണ്‍വാണിഭ കേന്ദ്രത്തിന്റെ നടത്തിപ്പുകാരി ബിന്ദുവുമായി നേരിട്ട് ബന്ധമുണ്ടെന്ന് നേരത്തേ അന്വേഷണ ഉദ്യോഗസ്ഥര്‍ക്ക് വിവരം ലഭിച്ചിരുന്നു. ബിന്ദുവുമായി ഇവര്‍ക്ക് സാമ്പത്തിക ഇടപാടുകളും മറ്റു ഇടപാടുകളും ഉണ്ടെന്ന് കണ്ടെത്തിയിരുന്നു. ബിന്ദുവിന്റെ ഫോണില്‍ നിന്നും പ്രതി ചേര്‍ക്കപ്പെട്ട ബന്ധപ്പെട്ടതിന്റെ തെളിവുകള്‍ ലഭിച്ചിരുന്നു. പെണ്‍വാണിഭ കേന്ദ്രം നടത്തിപ്പുകാരുടെ ബാങ്ക് വിവരങ്ങളും സാമ്പത്തിക ഇടപാടുകളും അന്വേഷണ സംഘം പരിശോധിച്ചിരുന്നു.

ALSO READ: കോഴിക്കോട് മലാപറമ്പിൽ പെൺവാണിഭസംഘം പിടിയിൽ; പിടിയിലായവരിൽ, ആറ് സ്ത്രീകളും മൂന്ന് പുരുഷൻമാരും

രണ്ടു ദിവസം മുമ്പാണ് അപ്പാര്‍ട്‌മെന്റ് കേന്ദ്രീകരിച്ച് നടത്തിക്കൊണ്ടിരുന്ന പെണ്‍വാണിഭ സംഘത്തെ നടക്കാവ് പൊലിസ് അറസ്റ്റ് ചെയ്തത്. വയനാട് സ്വദേശി ബിന്ദു, കരുവന്തിരുത്തി സ്വദേശി ഉപേഷ്, ഇടുക്കി സ്വദേശി അഭിരാമി എന്നിവര്‍ ഉള്‍പ്പെടെ 9 പേരെയാണ് പൊലിസ് അറസ്റ്റ് ചെയ്തത്. പൊലിസിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ റെയ്ഡിലാണ് സംഘത്തെ അറസ്റ്റ് ചെയ്തത്.