ലണ്ടൻ: ഇന്ത്യയുടെ സ്റ്റാർ പേസർ ജസ്പ്രിത് ബുംറയെ കാത്തിരിക്കുന്നത് വമ്പൻ റെക്കോഡ്. ഇംഗ്ലണ്ടിനെതിരായ ടെസ്റ്റ് പരമ്പരയിൽ 13 വിക്കറ്റുകൾ വീഴ്ത്താനായാൽ രവിചന്ദ്രന്റെ അശ്വിന്റെ റെക്കോഡ് മറികടക്കാൻ ബുംറയ്ക്ക് സാധിക്കും. നിലവിൽ ടെസ്റ്റ് ബൗളർമാരുടെ റാങ്കിങ്ങിൽ ഒന്നാം സ്ഥാനത്താണ് ബുംറ. ഇംഗ്ലണ്ടിനെതിരേ 14 ടെസ്റ്റുകളിൽ നിന്ന് 60 വിക്കറ്റുകൾ ബുംറ വീഴ്ത്തിയിട്ടുണ്ട്. 

അതേസമയം ലോക ടെസ്റ്റ് ചാംപ്യൻഷിപ്പിൽ ഇതുവരെ 46 വിക്കറ്റുകളാണ് ബുംറ വീഴ്ത്തിയത്. അശ്വിന്റെ 58 വിക്കറ്റുകളെന്ന റെക്കോഡാണ് ബുംറയ്ക്ക് മുന്നിൽ തകർക്കാനുള്ളത്. ടെസ്റ്റ് ചാംപ്യൻഷിപ്പിൽ ഇംഗ്ലണ്ടിനെതിരേ ഏറ്റവും കൂടുതൽ വിക്കറ്റെടുത്ത ഇന്ത്യൻ ബൗളറും അശ്വിനാണ്. ഇംഗ്ലണ്ടിനെതിരേ 9 മത്സരങ്ങളിൽ നിന്നാണ് ഇത്രയും വിക്കറ്റുകൾ അശ്വിൻ നേടിയത്.

  ALSO READ: ഞാൻ അദ്ദേഹത്തെ വളരെയധികം ബഹുമാനിക്കുന്നു: തുറന്ന് പറഞ്ഞ്‌ റൊണാൾഡോ

പാറ്റ് കമ്മിൻസിനാണ് അന്താരാഷ്ട്ര ക്രിക്കറ്റിൽ ഇംഗ്ലണ്ടിനെതിരേ ടെസ്റ്റ് ചാംപ്യൻഷിപ്പിൽ കൂടുതൽ വിക്കറ്റുകളുള്ളത്. 68 വിക്കറ്റുകൾ താരത്തിന്റെ പേരിലുണ്ട്. ഇംഗ്ലണ്ടിൽ വെച്ച് നടന്ന ടെസ്റ്റുകളിൽ ബുംറ ഇതുവരെ 37 വിക്കറ്റുകൾ വീഴ്ത്തിയിട്ടുണ്ട്. 48 വിക്കറ്റുകൾ ഇംഗ്ലണ്ടിലെ ടെസ്റ്റുകളിൽ വീഴ്ത്തിയ ഇഷാന്ത് ശർമയാണ് പട്ടികയിൽ ഒന്നാമൻ.

Jasprit Bumrah to become number one by defeating Indian legend A huge record lies ahead