ന്യൂഡൽഹി: ജസ്റ്റിസ് യശ്വന്ത് വർമയുടെ ഡൽഹിയിലെ ഔദ്യോഗിക വസതിയിൽനിന്ന് പണം കണ്ടെത്തിയ സംഭവം ശരിയായി കൈകാര്യം ചെയ്യുന്നതിൽ ഡൽഹി പൊലിസിനും വീഴ്ചപറ്റിയെന്ന് സുപ്രിംകോടതി നിയോഗിച്ച അന്വേഷണ സമിതി. സ്റ്റോർറൂമിൽ കത്തിക്കരിഞ്ഞ നിലയിൽ പണം കണ്ടെത്തിയപ്പോൾ അതു പിടിച്ചെടുക്കാൻ ഡൽഹി പൊലിസ് തയാറായില്ല. പഞ്ചനാമയോ, പിടിച്ചെടുക്കൽ മെമ്മോയോ തയാറാക്കാതെ പൊലിസും ഫയർഫോഴ്സും സ്ഥലംവിട്ടു.

പൊലിസിന്റെ ഭാഗത്തുനിന്ന് അബദ്ധമാണ് സംഭവിച്ചതെന്നും എന്നാൽ, കുറ്റം മറച്ചുവയ്ക്കാൻ അവർ കൂട്ടുനിന്നിട്ടില്ലെന്നും സമിതി സുപ്രിംകോടതിയിൽ സമർപ്പിച്ച റിപ്പോർട്ടിൽ ചൂണ്ടിക്കാട്ടി. പൊലിസ് നടപടിക്രമങ്ങളിൽ തെറ്റ് കണ്ടെത്തുക എന്നതല്ല തങ്ങളുടെ ചുമതലയെന്നും കമ്മിറ്റി നിരീക്ഷിച്ചു. ജസ്റ്റിസ് വർമ സൂക്ഷിച്ചിരുന്ന പണത്തിന്റെ അളവ് എത്രയുണ്ടെന്നത് കൃത്യമായി നിർണയിക്കാൻ കഴിയാത്തത് പ്രധാനമല്ല. പൊലിസ് പിടിച്ചെടുക്കാത്ത കാരണത്താൽ ജസ്റ്റിസ് വർമയ്ക്ക് പണം ഇല്ലെന്നും ഇങ്ങനെയൊരു സംഭവം നടന്നിട്ടില്ലെന്നും വാദിക്കാൻ കഴിയില്ല.

വിഷയത്തിന്റെ ഗൗരവവും ജസ്റ്റിസ് വർമ സംഭവം നടക്കുമ്പോൾ വസതിയിൽ ഇല്ലാതിരുന്നതും ചൂണ്ടിക്കാട്ടി ഉന്നത പൊലിസ് ഉദ്യോഗസ്ഥർ എഫ്.ഐ.ആർ രജിസ്റ്റർ ചെയ്യാതിരുന്നതിനെ സമിതി മുമ്പാകെ ന്യായീകരിച്ചതായും റിപ്പോർട്ടിൽ വ്യക്തമാക്കിയിട്ടുണ്ട്.

The Supreme Court inquiry committee criticized police for failing to seize alleged cash from Justice Yashwant Verma’s residence. The report stated that officers were hesitant to act, raising serious concerns about accountability and enforcement in high-profile investigations.