തൃശൂര്‍: ചാലക്കുടിയിലെ ബ്യൂട്ടി പാര്‍ലര്‍ ഉടമ ഷീല സണ്ണിയുടെ ബാഗില്‍ വ്യാജ ലഹരി സ്റ്റാംപ് വച്ചതു താനാണെന്ന് മുഖ്യപ്രതി ലിവിയ ജോസ്. കുടുംബവുമായി ബന്ധപ്പെട്ട തര്‍ക്കവും സാമ്പത്തിക തര്‍ക്കവും കാരണമാണ് ഷീലയോട് പകയുണ്ടായത്. 

ഷീലയെ കുടുക്കാന്‍ വേണ്ടിയാണ് ലഹരി സ്റ്റാംപ് വച്ചതെന്ന് ലിവിയ പൊലിസിനു മൊഴി നല്‍കി. യഥാര്‍ഥ ലഹരി സ്റ്റാംപെന്ന ധാരണയിലാണ് ബാഗില്‍ വച്ചത്. എന്നാല്‍ വ്യാജ സ്റ്റാംപായിരുന്നു ഇതെന്ന് പിന്നീടാണ് അറിഞ്ഞതെന്നും ലിവിയ പറഞ്ഞു. 

ചോദ്യം ചെയ്യലിനായി രണ്ടുദിവസത്തെ പൊലിസ് കസ്റ്റഡിയിലാണ് ലിവിയ. ഇതു സംബന്ധിച്ച കാര്യങ്ങളുടെ വ്യക്തതയ്ക്കായി ജയിലില്‍ കഴിയുന്ന നാരായണദാസില്‍നിന്ന് അന്വേഷണ സംഘം മൊഴിയെടുക്കും. പ്രത്യേക അന്വേഷണ സംഘം ഇന്ന് വിയ്യൂര്‍ ജയിലിലെത്തിയാണ് മൊഴിരേഖപ്പെടുത്തുക.