മദീന മുനവ്വറ: പ്രമുഖ പണ്ഡിതനും സൂഫിവര്യനും സമസ്ത മുശാവറ മെമ്പറുമായിരുന്ന മർഹൂം ശൈഖുനാ മാണിയൂർ അഹ്മദ് മുസ്ലിയാരുടെ പേരിലുള്ള മയ്യിത്ത് നിസ്കാരവും അനുസ്മരണ പ്രാർത്ഥനാ സദസ്സും മദീന എസ്.ഐ.സി സെൻട്രൽ കമ്മറ്റിയുടെ ആഭിമുഖ്യത്തിൽ ഇസ്ലാമിക് സെൻററിൽ വെച്ച് നടന്നു.

മയ്യിത്ത് നിസ്കാരത്തിനും പ്രാർത്ഥന സദസ്സിനും സയ്യിദ് ഫള്ൽ ശാഹിദ് ഹസനി തങ്ങൾ കണ്ണന്തളി നേതൃത്വം നൽകി. അനുസ്മരണ സദസ്സ് എസ് വൈ എസ് സംസ്ഥാന വർക്കിംഗ് സെക്രട്ടറി അബ്ദുൽ ഹമീദ് ഫൈസി അമ്പലക്കടവ് ഉദ്ഘാടനം ചെയ്തു. ശിഹാബ് സ്വാലിഹി വൈത്തിരി അധ്യക്ഷത വഹിച്ചു.

സയ്യിദ് ശംസുദ്ദീൻ തങ്ങൾ വെട്ടിച്ചിറ,അസ്‌ലം ബാഖവി പാറന്നൂർ, ശരീഫ് ബാഖവി ആയഞ്ചേരി, അബ്ദുള്ള ദാരിമി പടന്ന,റാഷിദ് ദാരിമി ചെമ്പിലോട്, ഉമറുൽഫാറൂഖ് ഫൈസി, അഷ്റഫ് തില്ലങ്കേരി, അശ്കർ വേങ്ങര തുടങ്ങിയവർ പ്രസംഗിച്ചു.