തിരുവനന്തപുരം: സ്‌കൂൾ സമയമാറ്റ വിവാദത്തിൽ നിലപാട് മയപ്പെടുത്തി വിദ്യാഭ്യാസ മന്ത്രി വി. ശിവൻകുട്ടി. സമയ മാറ്റത്തിൽ സമസ്തയുമായി ചർച്ചയ്ക്ക് തയ്യാറാണെന്ന് അദ്ദേഹം അറിയിച്ചു. ചർച്ചയ്ക്ക് വേണ്ട സമസ്ത സമയം അറിയിച്ചാൽ മതിയെന്നും ശിവൻകുട്ടി പറഞ്ഞു. കോടതിയുടെ നിലപാടാണ് പറഞ്ഞതെന്നും ധിക്കാരമായി ഒന്നും പറഞ്ഞിട്ടില്ലെന്നും ശിവൻകുട്ടി വ്യക്തമാക്കി.

സ്‌കൂൾ സമയത്തിൽ ഏതെങ്കിലും ഒരു വിഭാഗത്തിന് മാത്രം സൗകര്യം ചെയ്തു കൊടുക്കാൻ കഴിയില്ലെന്ന് വിദ്യാഭ്യാസ മന്ത്രി നേരത്തെ പറഞ്ഞിരുന്നു. പ്രത്യേക സമൂഹത്തിൻറെ പേര് പറഞ്ഞ് സർക്കാരിനെ വിരട്ടുന്നത് ശരിയല്ല. സമയം മാറ്റണമെന്ന് ആവശ്യപ്പെടുന്നവർ അവരുടെ ആവശ്യങ്ങൾക്ക് സമയം ക്രമീകരിക്കണം എന്നും അദ്ദേഹം പ്രതികരിച്ചു. എന്നാൽ ഇത് വിവാദമായതോടെ അദ്ദേഹം ചർച്ചയ്ക്ക് തയ്യാറാണെന്ന് അറിയിക്കുകയായിരുന്നു.  

ALSO READ: തണലൊരുക്കാം മദ്‌റസാപ്രസ്ഥാനത്തിന്: കൊടക് എം. അബ്ദുര്‍റഹിമാന്‍ മുസ്‌ലിയാര്‍

സ്കൂൾ സമയമാറ്റത്തിൽ ചർച്ചയില്ലെന്ന വിദ്യാഭ്യാസ മന്ത്രിയുടെ നിലപാട് ധിക്കാരപരമാണെന്ന് സമസ്ത ജനറൽ മാനേജർ കെ. മോയിൻകുട്ടി മാസ്റ്റർ നേരത്തെ പ്രതികരിച്ചിരുന്നു. വിദ്യാഭ്യാസമന്ത്രിയുടെ നിലപാട് തന്നെയാണോ സർക്കാർ നിലപാടെന്ന് മുഖ്യമന്ത്രി വ്യക്തമാക്കണമെന്നും അദ്ദേഹം ആവശ്യപ്പെട്ടു. 

സമയമാറ്റത്തിൽ തുടർനടപടികൾ ആലോചിക്കാൻ സമസ്ത മതവിദ്യാഭ്യാസ ബോർഡ് ഇന്ന് ചേരാനിരിക്കെയാണ് വിദ്യാഭ്യാസ മന്ത്രി ചർച്ചയ്ക്ക് തയ്യാറാണെന്ന് അറിയിച്ചത്.

In the ongoing school timing controversy in Kerala, Education Minister V. Sivankutty has taken a more conciliatory tone, expressing his willingness to hold discussions with Samastha, the prominent Sunni organization that opposed the change.