സോഷ്യല്‍ മീഡിയയില്‍ ആനക്കുട്ടികളുടെ വിഡിയോകള്‍ വൈറലാവാറുണ്ട്. പ്രത്യേകിച്ചും ഇവരുടെ വികൃതികളും കുസൃതികളുമൊക്കെ. രസകരമായ ഇത്തരം വിഡിയോ പലരും പങ്കുവയ്ക്കാറുമുണ്ട്. കാരണം ആളുകള്‍ക്ക് ഇത് വളരെയധികം ഇഷ്ടവും കൗതുകവുമാണ്. അതുപോലെ വീണ്ടും ഒരു ആനക്കുട്ടി വൈറലയാരിക്കുകയാണിപ്പോള്‍. 

ആനക്കുട്ടി കസേരയില്‍ ഇരിക്കാന്‍ ശ്രമിക്കുന്നതാണ് വിഡിയോ. പുറത്തിട്ടിരിക്കുന്ന കസേരയില്‍ എനിക്കും ഇരിക്കണം. ഇതാണ് ആവശ്യം. Tuskershelter എന്ന ഇന്‍സ്റ്റഗ്രാം പേജിലാണ് ഈ വിഡിയോ ഉള്ളത്. ആനക്കുട്ടി പുറത്ത് കളിക്കുകയാണ്. അപ്പോഴാണ് അവിടെ ഇട്ടിരിക്കുന്ന രണ്ടു കസേരകള്‍ കാണുന്നത്. ആദ്യം ഒന്നു കൗതുകത്തോടെ അതു നോക്കി നിന്നു. പിന്നീട് കുട്ടിയാന അതിനടുത്തേക്ക് വരുകയാണ്. 

വേഗത്തില്‍ തന്നെ ഓടിയെത്തി അതിലിരിക്കാന്‍ ശ്രമിക്കുകയാണ്. എന്നാല്‍ കസേര മറിഞ്ഞു നിലത്തു വീഴുകയാണ് ചെയ്തത്. ആനക്കുട്ടി എത്ര ശ്രമിച്ചിട്ടും ഇരിക്കാന്‍ പറ്റുന്നില്ല. കസേര മറിഞ്ഞു താഴെയെത്തി. പക്ഷേ, അത് വീണ്ടും നിവര്‍ത്തി വയ്ക്കാന്‍ കുട്ടിയാന പരമാവധി ശ്രമിക്കുന്നുണ്ട്. എത്ര ശ്രമിച്ചിട്ടും കുട്ടിയാനയ്ക്ക് കസേര നിവര്‍ത്താന്‍ പറ്റുന്നില്ല. തുടര്‍ന്ന് ദേഷ്യം വന്ന കുട്ടിയാന അതില്‍ ചവിട്ടി തിരിച്ചു പോവുകയാണ്. 

ALSO READ: റെയില്‍വേ ട്രാക്കുകള്‍ക്കിടയില്‍ കുറേ കല്ലുകള്‍ ഇട്ടിരിക്കുന്നത് കണ്ടിട്ടില്ലേ...? എന്തിനാണ് ഈ കല്ലുകള്‍ ട്രാക്കുകള്‍ക്കിടയില്‍ ഇങ്ങനെ ഇട്ടിരിക്കുന്നത് ..?  അറിയാമോ..? 

ചെറിയ വിഡിയോയാണെങ്കിലും ഇത് ആളുകളെ ഒരുപാടാകര്‍ഷിച്ചു. നിരവധി പേരാണ് ഈ കുസൃതി കണ്ട് കമന്റിട്ടിരിക്കുന്നത്. ക്യൂട്ട് ആനക്കുട്ടി എന്നും പാവം ആനക്കുട്ടിയാണെന്നും ബുദ്ധിയുള്ള ആനക്കുട്ടിയാണെന്നും വിഡിയോ മനോഹരമായിരിക്കുന്നുവെന്നുമൊക്കെയുളള കമന്റുകളാണ് വരുന്നത്.