അർജന്റൈൻ സൂപ്പർതാരം റോഡ്രിഗോ ഡി പോളിനെ സ്വന്തമാക്കി എംഎൽഎസ് ക്ലബായ ഇന്റർ മയാമി. സ്പാനിഷ് ക്ലബായ അത്‌ലറ്റിക്കോ മാഡ്രിഡിൽ നിന്നും ലോണിലാണ് ഡി പോൾ ഇന്റർ മയാമിയിൽ എത്തിയത്. ഇന്റർ മയാമി താരത്തെ ടീമിലെത്തിച്ച വിവരം ഔദ്യോഗികമായി പ്രഖ്യാപിക്കുന്നതിന് മണിക്കൂറുകൾക്ക് മുമ്പ് തന്നെ അത്ലറ്റിക്കോ മാഡ്രിഡ് ഡി പോളിന്റെ വിടവാങ്ങൽ തങ്ങളുടെ സോഷ്യൽ മീഡിയയിലൂടെ അറിയിക്കുകയായിരുന്നു. 

സീരി എ ക്ലബായ ഉഡിനീസിൽ നിന്നുമാണ് ഡി പോൾ അത്‌ലറ്റിക്കോ മാഡ്രിഡിൽ എത്തിയത്. സ്പാനിഷ് ക്ലബിനൊപ്പം നാല് സീസണുകളിലാണ്  താരം പന്തുതട്ടിയത്. ഡീഗോ സിമിയോണിയുടെ കീഴിൽ 187 മത്സരങ്ങളിൽ നിന്നും 14 ഗോളുകളും 26 അസിസ്റ്റുകളും ആണ് അർജന്റൈൻ താരം സ്വന്തമാക്കിയത്.

ALSO READ: ചരിത്രത്തിലാദ്യം...പകരക്കാരനായിറങ്ങി ലോക റെക്കോർഡ് സ്വന്തമാക്കി രാജസ്ഥാൻ സൂപ്പർതാരം

അർജന്റീനയിൽ ലയണൽ മെസിക്കൊപ്പം സൃഷ്ടിച്ച കൂട്ടുക്കെട്ട് ഡി പോൾ ഇന്റർ മയാമിയിലും കാണാൻ സാധിക്കുമെന്നാണ് ആരാധകർ പ്രതീക്ഷിക്കുന്നത്. കളിക്കളത്തിൽ മെസിയുടെ ബോഡി ഗാർഡ് എന്ന വിശേഷണവും ഡി പോളിനുണ്ട്. മെസിയെക്കുറിച്ച് ഡി പോൾ അടുത്തിടെ ഒരു അഭിമുഖത്തിൽ സംസാരിക്കുകയും ചെയ്തിരുന്നു. മെസിയെ പോലൊരു താരം ഫുട്ബാളിൽ ഇനിയുണ്ടാകില്ലെന്നാണ് ഡി പോൾ പറഞ്ഞത്. മാധ്യമപ്രവർത്തകനായ പൊള്ളോ അൽവാരസുമായുള്ള അഭിമുഖത്തിൽ സംസാരിക്കുകയായിരുന്നു അർജന്റീന താരം. 

'വിവാദങ്ങൾ സൃഷ്ടിക്കാൻ ഞാൻ ഒരിക്കലും ആഗ്രഹിക്കുന്നില്ല. ഫുട്ബോളിനെക്കുറിച്ച് അൽപ്പം അറിവുള്ളവർക്ക് തീർച്ചയായും മനസ്സിലാവും മെസിയെ പോലൊരാൾ ഇനി ഫുട്ബോളിൽ ഉണ്ടാകില്ലെന്ന്. ഫുട്ബോളിൽ അദ്ദേഹം എന്തെല്ലാം ചെയ്തു എന്തെല്ലാം നേടി എന്ന് നമുക്കറിയാം. ഇതിനെല്ലാം പുറമെ അദ്ദേഹം ജനങളുടെ മനസിയിൽ ഉണ്ടാക്കിയെടുത്ത ഒരു സ്ഥാനമുണ്ട്. ഇത് വളരെ പ്രധാനപ്പെട്ടതാണ്. കളിക്കളത്തിൽ അദ്ദേഹം ഒരു താരത്തെ എങ്ങനെ ഡ്രിബിൾ ചെയ്യുന്നു എങ്ങനെ ഗോളുകൾ നേടുന്നു ഇതെല്ലാമാണ് ആളുകൾക്ക് കാണാൻ ഇഷ്ടം,' ഡി പോൾ പറഞ്ഞു. 

MLS club Inter Miami has acquired Argentine superstar Rodrigo De Paul De Paul joined Inter Miami on loan from Spanish club Atletico Madrid