കൊട്ടാരക്കര: നഗരസഭയുടെ ട്രാഫിക് പരിഷ്‌കരണം അശാസ്ത്രീയമാണെന്ന് ആരോപിച്ച് യൂത്ത് കോണ്‍ഗ്രസ് കൊട്ടാരക്കര ബ്ലോക്ക് കമ്മിറ്റിയുടെ നേതൃത്വത്തില്‍ നഗരസഭാ ഓഫിസിലേക്ക് മാര്‍ച്ച് നടത്തി.
നഗരസഭയ്ക്ക് മുന്നിലെ നോ-പാര്‍ക്കിങ് ബോര്‍ഡുകള്‍ക്ക് സമീപം വാഹനം പാര്‍ക്ക് ചെയ്തും പ്രവര്‍ത്തകര്‍ പ്രതിഷേധിച്ചു. കോണ്‍ഗ്രസ് ഭവനില്‍ നിന്നും പ്രവര്‍ത്തകര്‍ ബൈക്കുകളില്‍ നഗരത്തില്‍ പ്രതിഷേധ റാലിയും നടത്തി. തുടര്‍ന്നു നടന്ന യോഗം ഡി.സി.സി ജനറല്‍ സെക്രട്ടറി പി. ഹരികുമാര്‍ ഉദ്ഘാടനം ചെയ്തു.യൂത്ത് കോണ്‍ഗ്രസ് ബ്ലോക്ക് കോ-ഓര്‍ഡിനേറ്റര്‍ ഡിജോ കലയപുരം അധ്യക്ഷനായി. യൂത്ത് കോണ്‍ഗ്രസ് ബ്ലോക്ക് ജനറല്‍ സെക്രട്ടറി ഷിജു പടിഞ്ഞാറ്റിന്‍കര, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി പെരുംകുളം ദിലീപ്, ഡി.സി.സി ജനറല്‍ സെക്രട്ടറിമാരായ ബ്രിജേഷ് ഏബ്രഹാം, പെരുകുംളം സജിത്ത്, പാത്തല രാഘവന്‍, നേതാക്കന്മാരായ ഒ. രാജന്‍, കോശി.കെ ജോണ്‍, ബേബി പടിഞ്ഞാറ്റിന്‍കര, അജു ജോര്‍ജ്, കാര്‍ത്തിക വി. നാഥ്, ഷീബാ ജോജോ, ഗിരീഷ് ഉണ്ണിത്താന്‍, നിഥിന്‍ തങ്കച്ചന്‍, ബിനു കലയപുരം എന്നിവര്‍ സംസാരിച്ചു.