കൊച്ചി: മുന്‍ ധനമന്ത്രി കെ.എം മാണിക്ക് വേണ്ടി വിജിലന്‍സ് കേസില്‍ ഹാജരായത് മുതിര്‍ന്ന അഭിഭാഷകന്‍ എം.കെ ദാമോദരന്‍. കോഴിഫാമുകള്‍ക്ക് ഇളവ് നല്‍കിയെന്ന കേസിലാണ് ദാമോദരന്‍ ഹാജരായത്. കേസില്‍ മാണിക്കെതിരേയുള്ള എഫ്.ഐ.ആര്‍ റദ്ദാക്കണമെന്ന് ദാമോദന്‍ ആവശ്യപ്പെട്ടു.

സ്വകാര്യ കോഴി ഫാം കമ്പനിയുടെ നികുതി കുടിശ്ശിക എഴുതിത്തള്ളിയും ആയുര്‍വേദ സൗന്ദര്യവര്‍ധക ഉല്‍പ്പന്നങ്ങളുടെ നികുതി വെട്ടിക്കുറച്ചും സര്‍ക്കാരിന് 200 കോടിയുടെ നഷ്ടമുണ്ടാക്കിയെന്ന കേസിലാണ് വിജിലന്‍സ് എഫ്.ഐ.ആര്‍ രജിസ്റ്റര്‍ ചെയ്തത്. കോഴിഫാം ഉടമകളും മാണിയുടെ മുന്‍ അഡീ. പ്രൈവറ്റ് സെക്രട്ടറി ജയചന്ദ്രനുമടക്കം ഒന്‍പത് പേര്‍ പ്രതിപ്പട്ടികയിലുണ്ട്.