എറണാകുളം: മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസിൽ ജാമ്യത്തിൽ കഴിയുന്ന നടനും നിർമാതാവുമായ സൗബിൻ ഷാഹിറിന്റെ വിദേശയാത്രാനുമതി ആവശ്യം എറണാകുളം മജിസ്ട്രേറ്റ് കോടതി തള്ളി. ദുബൈയിൽ നടക്കുന്ന അവാർഡ് ഷോയിൽ പങ്കെടുക്കാൻ അനുവദിക്കണമെന്ന് ആവശ്യപ്പെട്ട് സൗബിൻ സമർപ്പിച്ച ഹരജിയാണ് കോടതി നിരസിച്ചത്.

ജാമ്യ വ്യവസ്ഥകൾ പ്രകാരം വിദേശയാത്ര നടത്താൻ അനുവാദമില്ലെന്ന കോടതിയുടെ നിർദേശത്തിന്റെ അടിസ്ഥാനത്തിലാണ് ഈ തീരുമാനം. സൗബിൻ ഈ വ്യവസ്ഥ ചോദ്യം ചെയ്ത് വിചാരണ കോടതിയെ സമീപിച്ചെങ്കിലും പരാതിക്കാരനും പ്രോസിക്യൂഷനും ഈ ആവശ്യത്തെ ശക്തമായി എതിർത്തു. കേസിലെ പ്രധാന സാക്ഷികൾ വിദേശത്തുണ്ടെന്നും, സൗബിന് അവരെ സ്വാധീനിക്കാൻ സാധ്യതയുണ്ടെന്നും പരാതിക്കാരൻ വാദിച്ചു.

ALSO READ: ചെയ്യാത്ത തെറ്റിന് ജയിലിൽ കിടന്നത് 16 വർഷം, കുറ്റവിമുക്തനായി വിധി വന്നത് മരിച്ച് 4 വ‍ർഷത്തിന് ശേഷം; ഖബറിനരികെ എത്തി വിധി വായിച്ച് ബന്ധുക്കൾ

 പരാതിക്കാരന് വേണ്ടി അഡ്വ. സൈബി ജോസ് കിടങ്ങൂർ ഹാജരായി. മഞ്ഞുമ്മൽ ബോയ്സ് സിനിമയുടെ ലാഭവിഹിതം വാഗ്ദാനം ചെയ്ത് സാമ്പത്തിക തട്ടിപ്പ് നടത്തിയെന്ന പരാതിയിലാണ് മരട് പൊലിസ് സൗബിനെ പ്രതിയാക്കി കേസെടുത്തത്.

ALSO READ: വില കുറഞ്ഞ ഇലക്ട്രിക് സ്കൂട്ടറുകൾ അവതരിപ്പിച്ച് ഏഥർ എനർജി: വരുന്നത് ​ഗംഭീര മോഡലുകൾ

In the Manjummel Boys financial fraud case, a court has rejected actor Soubin Shahir's plea, upholding the ban on his foreign travel. The case involves allegations of financial misconduct, and the decision maintains restrictions on Shahir’s international movements