ദുബൈ: ശരത്കാല ആഗമനത്തോടെ ഇന്ന് യുഎഇയിലെ വേനല്‍ക്കാലത്തിന് ഔപചാരിക സമാപനമാകും. രാജ്യത്തിന്റെ കാലാവസ്ഥാ രീതികളില്‍ ഗണ്യമായ മാറ്റത്തെ അടയാളപ്പെടുത്തുന്നതാണീ സംക്രമ കാലം. പകലും രാത്രിയും ഏകദേശം 12 മണിക്കൂര്‍ വീതം താപനിലയില്‍ ക്രമാനുഗതവും ഗുണപരവുമായ മാറ്റത്തെ ഇക്കാലയളവ് അടയാളപ്പെടുത്തും.
ഈ മാസം അവസാന പകുതിയില്‍ താപനില കുറയാന്‍ തുടങ്ങുമെന്ന് യു.എ.ഇ ദേശീയ കാലാവസ്ഥാ കേന്ദ്രം (എന്‍.സി.എം) നേരത്തെ പ്രവചനത്തില്‍ സൂചിപ്പിച്ചിരുന്നു.

ഇനിയുള്ള ഏതാനും ദിവസങ്ങളില്‍ ഏറ്റവും ശ്രദ്ധേയമായ മാറ്റം രാത്രികാല താപനിലയിലായിരിക്കും. തീവ്രമായ പകല്‍ ചൂടില്‍ നിന്ന് ഏറെ ആശ്വാസം ലഭിക്കും. ഈ മാറ്റത്തോടൊപ്പം കാറ്റിന്റെ രീതികളും മാറും.
രാജ്യത്തിന്റെ കിഴക്കന്‍ ഭാഗങ്ങളിലുള്ളവര്‍ക്ക് കാലാവസ്ഥാ മാറ്റം മഴ മേഘങ്ങള്‍ രൂപപ്പെടാനുള്ള സാധ്യത കൂടുതലായി സൃഷ്ടിക്കുന്നതാണ്. വരണ്ട കാലാവസ്ഥയില്‍ നിന്ന് ആശ്വാസം നല്‍കുന്ന തരത്തില്‍ ഈ മേഘങ്ങള്‍ക്കൊപ്പം മഴയും ഇടിമിന്നലും ഉണ്ടാകാം. ചില സന്ദര്‍ഭങ്ങളില്‍, ഈ മഴമേഘങ്ങള്‍ ഉള്‍ പ്രദേശങ്ങളിലേക്ക് പോലും വ്യാപിച്ചേക്കാം. ഇത് വ്യത്യസ്ത തീവ്രതയിലുള്ള മഴ നല്‍കുന്നു.

സെപ്റ്റംബര്‍ മുതല്‍ ഒക്ടോബര്‍ വരെയുള്ള ആഴ്ചകള്‍ പുരോഗമിക്കുമ്പോള്‍, രാത്രി സമയം നീണ്ടുനില്‍ക്കും. ഇത് ശരത്കാലത്തെ സ്വാഭാവിക മാറ്റത്തിന്റെ ഫലമാണ്.
ശൈത്യകാല മാസങ്ങളിലെ ഏറ്റവും സുഖകരമായ കാലാവസ്ഥ താമസക്കാര്‍ക്കും വിനോദ സഞ്ചാരികള്‍ക്കും ഒരുപോലെ പുറം സ്ഥലങ്ങളിലെ സഞ്ചാരത്തെയും പ്രവര്‍ത്തനങ്ങളെയും കൂടുതല്‍ ആസ്വാദ്യകരമാക്കുന്നു.

The summer officially ends with the upcoming autumnal equinox on September 23, marking a significant shift in the UAE's weather patterns. Daylight and nighttime hours will reach near-perfect balance, with approximately 12 hours each, heralding a gradual and welcome drop in temperatures.