ഷാർജ: നിയമവിരുദ്ധമായി മോഡിഫൈ ചെയ്ത 100 വാഹനങ്ങളും 40 മോട്ടോർ സൈക്കിളുകളും പിടിച്ചെടുത്തതായി ഷാർജ പൊലിസ് അറിയിച്ചു. എമിറേറ്റിലെ ചെക്ക്‌പോസ്റ്റുകളിലെ പെട്രോളിം​ഗ് സംഘമാണ് താമസക്കാർക്ക് ശല്യമുണ്ടാക്കുന്നതും റോഡ് സുരക്ഷയ്ക്ക് ഭീഷണിയുമായ മോഡിഫൈ ചെയ്ത വാഹനങ്ങൾ പിടിച്ചെടുത്തത്.

ALSO READ: വ്യാജ വാടക തട്ടിപ്പ് ശൃഖല തകര്‍ത്ത് ഷാര്‍ജ പൊലിസ്; 13 പേര്‍ അറസ്റ്റില്‍ 

വാഹനങ്ങൾ ലൈസൻസില്ലാതെ മോഡിഫൈ ചെയ്യുന്നത് (പ്രത്യേകിച്ച് ശബ്ദമുണ്ടാക്കുന്നവ) ആളുകളുടെ പൊതുസമാധാനത്തെ പ്രതികൂലമായി ബാധിക്കുന്നതും ഡ്രൈവറുടെയും റോഡ് ഉപയോക്താക്കളുടെയും സുരക്ഷയെ അപകടത്തിലാക്കുന്നതുമായ നിയമ ലംഘനമാണെന്നും അതോറിറ്റി വ്യക്തമാക്കി. എല്ലാ ഡ്രൈവർമാരും നിയമങ്ങൾ പാലിക്കാനും ആരോഗ്യകരമായ രീതികളിലൂടെ പൊതു സുരക്ഷ നിലനിർത്തുന്നതിൽ പങ്കാളികളാകാനും പൊലിസ് അഭ്യർത്ഥിച്ചു.

പൊതുജന സുരക്ഷ പ്രോത്സാഹിപ്പിക്കുന്നതിനും ജീവനും സ്വത്തിനും സംരക്ഷണം നൽകുന്നതിനുമാണ് ഷാർജ പൊലിസ് ഈ കാമ്പയിന് തുടക്കമിട്ടത്. ശിക്ഷ മാത്രമല്ല, അവബോധവും സമൂഹത്തിന് ദോഷം വരുത്തുന്ന റോഡിലെ മോശം പെരുമാറ്റങ്ങൾ തിരുത്തലുമാണ് ഈ നടപടികളുടെ ലക്ഷ്യമെന്ന് പൊലിസ് ഉദ്യോഗസ്ഥർ അഭിപ്രായപ്പെട്ടു.

യുഎഇയിൽ ശബ്ദ ശല്യം സൃഷ്ടിക്കുന്ന ഡ്രൈവർമാർ വലിയ പിഴകൾ അടയ്ക്കേണ്ടി വരും. ഫെഡറൽ ട്രാഫിക് നിയമപ്രകാരം മറ്റുള്ളവരെ ശല്യപ്പെടുത്തുന്ന രീതിയിൽ ഹോണുകളോ മ്യൂസിക് സിസ്റ്റങ്ങളോ ഉപയോഗിച്ചാൽ 400 ദിർഹം പിഴയും നാല് ബ്ലാക്ക് പോയിന്റുകളും ചുമത്തും. മോഡിഫൈ ചെയ്ത വാഹനങ്ങളിൽ നിന്നാണ് ശബ്ദം പുറത്തു വരുന്നതെങ്കിൽ പിഴ 2,000 ദിർഹമായി ഉയരും. 12 ബ്ലാക്ക് പോയിന്റുകളും ലഭിക്കും.

ALSO READ: യാത്രക്കാര്‍ ഈ വസ്തു കൈയില്‍ കരുതരുത്; ഒക്ടോബര്‍ മുതല്‍ പുതിയ നിയമം പ്രാബല്യത്തില്‍ വരുമെന്ന് എമിറേറ്റ്‌സ് 

അനുമതിയില്ലാതെ മോഡിഫൈ ചെയ്ത വാഹനങ്ങൾ കണ്ടുകെട്ടും. ഇത് തിരികെ ലഭിക്കാൻ വാഹന ഉടമകൾ 10,000 ദിർഹം റിലീസ് ഫീസ് നൽകേണ്ടിവരും. മൂന്ന് മാസത്തിന് ശേഷവും ഫീസ് അടച്ചില്ലെങ്കിൽ വാഹനം ലേലം ചെയ്യും. ആഭ്യന്തര മന്ത്രാലയത്തിന്റെ കണക്കുകൾ പ്രകാരം, കഴിഞ്ഞ വർഷം ഷാർജയിൽ ശല്യപ്പെടുത്തുന്ന ശബ്ദത്തിലുള്ള മോഡിഫിക്കേഷന്റെ പേരിൽ  504 പേർക്കാണ് പിഴ ചുമത്തിയത്. ഇതേ കുറ്റം ചെയ്തതിന് അജ്മാനിൽ 117 പേർക്കും ഫുജൈറയിൽ പേർക്കുമാണ് പിഴ ചുമത്തിയത്. 

Authorities have warned against using modified vehicles on roads, stating that offenders will face severe penalties. Police are cracking down to ensure road safety and compliance with regulations.