ദുബൈ: സ്റ്റീൽ, സ്റ്റീൽ കോയിലുകൾ എന്നിവയ്ക്കുള്ള കസ്റ്റംസ് തീരുവ അഞ്ച് ശതമാനത്തിൽ നിന്ന് 10 ശതമാനമായി ഉയർത്തി യുഎഇ. വർധനവ് 2026 ഒക്ടോബർ 12 വരെ തുടരുമെന്ന് ദുബൈ കസ്റ്റംസ് അറിയിച്ചു.

ALSO READ: കെട്ടിടങ്ങളെ തീപിടുത്തത്തിൽ നിന്ന് സംരക്ഷിക്കാനും, അപകട മുന്നറിയിപ്പുകൾ നൽകാനും ഇനി പുതിയ സ്ഥാപനം; ഫെഡറൽ അതോറിറ്റി ഫോർ ആംബുലൻസ് ആൻഡ് സിവിൽ ഡിഫൻസ് സ്ഥാപിച്ച് യുഎഇ പ്രസിഡന്റ് 

ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട്സ് സെക്യൂരിറ്റിയാണ് ഇക്കാര്യം പ്രഖ്യാപിച്ചത്. ധനമന്ത്രാലയത്തിന്റെ കത്ത് കൂടി പരി​ഗണിച്ചാണ് സ്റ്റീലിന്റെ വില വർധിപ്പിച്ച കാര്യം പ്രഖ്യാപിച്ചത്. ലോക വ്യാപാര സംഘടനയുടെ (WTO) "ലോക വ്യാപാര കാഴ്ചപ്പാടും സ്ഥിതിവിവരക്കണക്കുകളും" പ്രകാരം, 2024-ൽ യുഎഇയുടെ ഇരുമ്പ്, ഉരുക്ക് വിദേശ വ്യാപാരം 6 ശതമാനം കുറഞ്ഞിരുന്നു.

യുഎസ് പ്രസിഡന്റ് ഡൊണാൾഡ് ട്രംപ് സ്റ്റീൽ, അലുമിനിയം ഇറക്കുമതികളുടെ തീരുവ 25 ശതമാനത്തിൽ നിന്ന് 50 ശതമാനമായി ഉയർത്തിയതാണ് യുഎഇയിലെ സ്റ്റീൽ ഉൽപ്പാദകരെ ഈ തീരുമാനം എടുക്കാൻ പ്രേരിപ്പിച്ചത്.

  ALSO READ: നിശ്ചിത സമയത്തിനുള്ളിൽ ട്രാഫിക് പിഴ അടച്ചില്ല; 28 വാഹനങ്ങൾ പിടിച്ചെടുത്ത് ദുബൈ പൊലിസ് 

യുഎസ് വിപണിയുമായി യുഎഇയ്ക്കുള്ളത് താരതമ്യേന ചെറിയ ബന്ധമായതിനാൽ ഈ താരിഫുകൾ നേരിട്ട് ബാധിക്കില്ലെന്ന് സ്റ്റീൽ നിർമ്മാതാക്കൾ നേരത്തെ അവകാശപ്പെട്ടിരുന്നു.

uae customs doubles import duty on steel and steel coils from 5% to 10%, extending the safeguard until october 2026 to bolster local producers amid global trade tensions. announced via dubai customs notice, this impacts rebar, wire rod and more for construction sector.