ലണ്ടന്‍: ഗാന്ധി ജയന്തി ദിനത്തിന് രണ്ട് ദിവസം മാത്രം ബാക്കി നില്‍ക്കെ, ലണ്ടനിലെ ടവിസ്റ്റോക് സ്‌ക്വയറില്‍ സ്ഥാപിച്ച മഹാത്മാഗാന്ധിയുടെ വെങ്കല പ്രതിമയ്ക്ക് നേരെ ആക്രമണം. പ്രതിമ ഇന്ത്യാവിരുദ്ധ വാക്കുകള്‍ എഴുതിയും പെയിന്റടിച്ചും വികൃതമാക്കുകയായിരുന്നു.സംഭവത്തെ ഇന്ത്യന്‍ ഹൈക്കമ്മിഷന്‍ അപലപിച്ചു. അഹിംസയുടെ പാരമ്പര്യത്തിന് നേരെയുള്ള ആക്രമണമാണിതെന്നും ഹൈക്കമ്മിഷന്‍ പ്രതികരിച്ചു. 

പ്രതിമ വികൃതമാക്കിയ സംഭവം ഹൈക്കമ്മിഷന്‍ ബ്രിട്ടീഷ് അധികാരികളെ അറിയിച്ചു. പ്രതിമ പഴയരീതിയിലാക്കാന്‍ നടപടികള്‍ സ്വീകരിച്ചതായും ഹൈക്കമ്മിഷന്‍ അറിയിച്ചു. അന്വേഷണം ആരംഭിച്ചതായി പൊലീസ് പറഞ്ഞു.

ALSO READ: കൈകൂപ്പി അഭ്യർഥിച്ചിട്ടും പിന്മാറിയില്ല; പത്മശ്രീ ഒളിംപ്യൻ മുഹമ്മദ് ഷാഹിദിന്റെ തറവാട്ടുവീട് ബുൾഡോസർ ഉപയോഗിച്ച് പൊളിച്ചുനീക്കി വരാണസി ഭരണകൂടം

1968 ല്‍ പോളിഷ് കലാകാരിയായ ഫ്രെഡ ബ്രില്യന്റ് ആണ് ലണ്ടനിലെ ബ്ലൂംസ്ബറിയിലെ ടാവിസ്റ്റോക്ക് സക്വയറിലെ ഗാന്ധി നിര്‍മിച്ചത്. മുന്‍ ബ്രിട്ടിഷ് പ്രധാനമന്ത്രി ഹാരോള്‍ഡ് വില്‍സണ്‍ ആണ് പ്രതിമ അനാച്ഛാദനം ചെയ്തത്. ലണ്ടനില്‍ നിയമ വിദ്യാര്‍ഥിയായിരുന്ന മഹാത്മാഗാന്ധിയോടുള്ള ആദരസൂചകമായാണ് പ്രതിമ സ്ഥാപിച്ചത്. എല്ലാ വര്‍ഷവും ഗാന്ധിജയന്തി ദിനത്തില്‍ പ്രതിമയില്‍ പുഷ്പാര്‍ച്ചന നടത്താറുണ്ട്. 

English Summary: Just two days before Gandhi Jayanti, the bronze statue of Mahatma Gandhi at Tavistock Square in London was vandalized with anti-India graffiti and paint. The Indian High Commission in the UK has strongly condemned the incident, calling it an attack on the legacy of non-violence. British authorities have been notified, and efforts are underway to restore the statue. The police have launched an investigation into the incident.