ഷാർജ: മസ്ജിദുകൾക്ക് സമീപം വാഹനം പാർക്ക് ചെയ്യുമ്പോൾ ശ്രദ്ധിക്കണമെന്ന് ഷാർജ പൊലിസ്. ദിവസവും ആയിരക്കണക്കിന് വിശ്വാസികളാണ് ഷാർജയിലെ വിവിധ മസ്ജിദുകളിലേക്ക് എത്തുന്നത്. എന്നാൽ, മസ്ജിദുകളിൽ വാഹനങ്ങൾ എവിടെ നിർത്തുന്നു എന്നത് വെറും ട്രാഫിക് നിയന്ത്രണത്തിന് മാത്രമല്ല, പൊതുജന സുരക്ഷയ്ക്കും നിർണായകമാണെന്ന് പൊലിസ് ഓർമ്മപ്പെടുത്തുന്നു.

ALSO READ: 'ഈ രാജ്യങ്ങളിൽ പ്രതിഷേധം ശക്തം, ഇമാറാത്തി പൗരന്മാർ ജാഗ്രത പുലർത്തുക'; മുന്നറിയിപ്പുമായി യുഎഇ എംബസികൾ

ഷാർജ പൊലിസിന്റെ പട്രോൾ വിഭാഗം ഡയറക്ടർ ലെഫ്റ്റനന്റ് കേണൽ ഡോ. മർസൂഖ് ഖല്ഫാൻ അൽ നഖ്ബി, അനിയന്ത്രിതമായോ നിയമവിരുദ്ധമായോ വാഹനങ്ങൾ നിർത്തുന്നത് ഒഴിവാക്കണമെന്ന് വിശ്വാസികളോട് അഭ്യർത്ഥിച്ചു. ഇത്തരം പ്രവർത്തികൾ ജീവനപകടമുണ്ടാക്കുന്നതാണെന്ന് അദ്ദേഹം മുന്നറിയിപ്പ് നൽകി.

വെറും അസൗകര്യമല്ല, ഗുരുതരമായ പ്രത്യാഘാതങ്ങൾ ഉണ്ടാക്കാം

പ്രാർത്ഥനാസമയങ്ങളിൽ വാഹനങ്ങൾ തടസ്സപ്പെടുത്തുകയോ എക്സിറ്റുകൾ തടയുകയോ ചെയ്യുന്നത് പതിവ് പ്രശ്നമാണ്. പലരും ഇത് വെറും ഏതാനുമണിക്കൂർ മാത്രമാണെന്ന് കരുതുന്നുവെങ്കിലും, അധികൃതർ ഗുരുതരമായ അനന്തരഫലങ്ങളെക്കുറിച്ച് മുന്നറിയിപ്പ് നൽകുന്നു.

ALSO READ: 30 വർഷത്തിലധികമായി ഒമാനിലെ പ്രവാസി; അവധിക്ക് നാട്ടിൽ എത്തിയപ്പോൾ മരത്തിൽനിന്ന് വീണു മരിച്ചു

ചെറിയ നടപടികൾ വലിയ മാറ്റം വരുത്തും

വിശ്വാസികൾ മുൻകൂട്ടി ആസൂത്രണം ചെയ്ത് ചില ലളിതമായ നടപടികൾ സ്വീകരിക്കണമെന്ന് ഷാർജ പൊലിസ് അറിയിച്ചു.

നേരത്തെ എത്തുക: പ്രാർത്ഥനയ്ക്ക് 10-15 മിനിറ്റ് മുൻപ് വരുന്നത് ശരിയായ പാർക്കിംഗ് സ്ഥലം ഉറപ്പാക്കും.

നിശ്ചിത സ്ഥലങ്ങൾ ഉപയോഗിക്കുക: അകലെ പാർക്ക് ചെയ്ത് നടന്നെത്തുന്നത് പോലും സ്വീകരിക്കുക.

മറ്റുള്ളവരെക്കുറിച്ച് ചിന്തിക്കുക: വാഹനം പാർക്ക് ചെയ്ത് പോകുന്നതിന് മുൻപ്, അത് ആംബുലൻസിനെയോ ഫയർ ട്രക്കിനെയോ മറ്റൊരു ഡ്രൈവറിനെയോ തടസ്സപ്പെടുത്തുമോ എന്ന് പരിശോധിക്കുക.

ഇത്തരം ചെറിയ പരിഗണന പോലും ജീവൻ രക്ഷിക്കാൻ സഹായിക്കും ലെഫ്റ്റനന്റ് കേണൽ അൽ നഖ്ബി ചൂണ്ടിക്കാട്ടി.

The Sharjah Police have issued a reminder to drivers to be mindful of parking regulations near mosques, emphasizing that responsible parking is crucial not only for traffic flow but also for public safety. With thousands of worshippers visiting mosques daily, the police urge drivers to plan ahead, arrive early, and use designated parking areas to avoid congestion and potential hazards.