സംസ്ഥാനത്ത് സ്വര്‍ണവില ഇന്ന് വീണ്ടും റെക്കോര്‍ഡില്‍. രണ്ടു ദിവസമായി ഇടിഞ്ഞിരുന്ന സ്വര്‍ണവില ഇന്നലെ ഉച്ചയ്ക്ക് 360 രൂപയും ഇന്ന് 640 രൂപയും വര്‍ധിച്ചതോടെയാണ് സ്വര്‍ണം വീണ്ടും റെക്കോര്‍ഡ് കീഴടക്കിയത്. മൂന്ന് ദിവസം മുന്‍പത്തെ 87440 രൂപയെന്ന റെക്കോര്‍ഡാണ് ഇന്ന് മറികടന്നത്. ഇന്ന് ഗ്രാമിന് 80 രൂപയും പവന് 640 രൂപയുമാണ് വര്‍ധിച്ചത്.  

88000 തൊടാനിരുന്ന വലിയൊരു കുതിപ്പിന് ശേഷം സംസ്ഥാനത്ത് രണ്ട് ദിവസമായി സ്വര്‍ണവിലയില്‍ ചെറിയ ഇടിവു രേഖപ്പെടുത്തിയിരുന്നു. ചൊവ്വാഴ്ച പവന് 86,120 രൂപയുണ്ടായിരുന്നു പവന്‍ സ്വര്‍ണത്തിന്. ബുനധാഴ്ച രാവിലെ 87,000 ആയും വൈകുന്നേരം 87,440 രൂപയായും കുതിച്ചു. എന്നാല്‍ വ്യാഴാഴ്ച വില പവന് 400 രൂപ കുറഞ്ഞ് 87,040 ല്‍ എത്തി. ഇന്നലെ വീണ്ടും പവന് 480 രൂപ കുറഞ്ഞ് 86,560 രൂപ ആയിരുന്നു. എന്നാല്‍ ഉച്ചയ്ക്ക് ഗ്രാമിന് 45 രൂപയും പവന് 360 രൂപയും കൂടിയിരുന്നു.

 ഇന്ന് വീണ്ടും സ്വര്‍ണവില വര്‍ധിച്ചു. പവന് 640 രൂപ വര്‍ധിച്ച് ഈ മാസത്തെ ഏറ്റവും ഉയര്‍ന്ന നിരക്കിലെത്തി. 

ഇന്നത്തെ സ്വര്‍ണവില

ഇന്ന് ഒരു പവന്‍ സ്വര്‍ണത്തിന് 87,560 രൂപയാണ് വില. ഗ്രാമിന് 10,945 രൂപയും.  24 കാരറ്റ് സ്വര്‍ണത്തിന് ഒരു ഗ്രാമിന് 11,940 രൂപയും പവന് 95,520 രൂപയുമാണ്. 18 കാരറ്റിന് ഒരു ഗ്രാമിന് 8955 രൂപയും പവന് 71,640 രൂപയുമാണ്.

രാജ്യന്താര സ്വര്‍ണവില ഇന്ന് ഔണ്‍സിന് 3,886.8 ഡോളറിലെത്തി.

വിദഗ്ധരുടെ അഭിപ്രായമനുസരിച്ച് സ്വര്‍ണവില പവന് 1 ലക്ഷമാവാന്‍ അധികം താമസമുണ്ടാവില്ല. ആഗോളവിപണിയില്‍ സംഭവിക്കുന്ന ചെറിയ ചലനങ്ങള്‍ പോലും കേരളത്തിലെ സ്വര്‍ണവിലയില്‍ വലിയ മാറ്റങ്ങളാണ് ഉണ്ടാക്കുന്നത്. ഡോളറുമായി താരതമ്യം ചെയ്യുമ്പോഴുണ്ടാകുന്ന രൂപയുടെ വിലയെ മാറ്റങ്ങളും സ്വര്‍ണവിലയെ സ്വാധീനിക്കുന്നുണ്ട്.

ALSO READ: സ്വര്‍ണം വാങ്ങുമ്പോള്‍ ജ്വല്ലറി ഉടമകള്‍ ഇക്കാര്യം പറയണമെന്നില്ല;  പക്ഷേ ഇതറിയാതെ നിങ്ങള്‍ പണം നഷ്ടപ്പെടുത്തരുത്

രാജ്യത്ത് ദീപാവലി, ദസറ തുടങ്ങിയ ഉത്സവകാല സീസണിന് തുടക്കമായിരിക്കുകയാണ്. മാത്രമല്ല വിവാഹ സീസണും തുടങ്ങാനിരിക്കുകയാണ്. ഈ സമയത്ത് വില കുത്തനെ വര്‍ധിക്കുന്നത് തിരിച്ചടിയാവുമെന്നാണ് വ്യാപാരികള്‍ പറയുന്നത്. സ്വര്‍ണം വാങ്ങുന്നതില്‍ നിന്ന് ഉപഭോക്താക്കള്‍ പിന്മാറുമെന്ന് വ്യാപാരികള്‍ ചൂണ്ടിക്കാട്ടുന്നു.

അഡ്വാന്‍സ് ബുക്കിങ് ഉപയോഗപ്പെടുത്താം

ആഭരണം വാങ്ങാന്‍ ആഗ്രഹിക്കുന്നവര്‍ അഡ്വാന്‍സ് ബുക്കിങ് സംവിധാനം ഉപയോഗപ്പെടുത്തുന്നത് ഗുണം ചെയ്യും. മിക്കവരുമിപ്പോള്‍ ഈ വഴിയാണ് തെരഞ്ഞെടുക്കുന്നത്. കല്യാണ ആവശ്യങ്ങള്‍ക്കെല്ലാം ഇങ്ങനെ ചെയ്യുന്നത് വഴി വലിയ ലാഭമുണ്ടാകും. പണിക്കൂലി, ജി.എസ്.ടി, ഹോള്‍ മാര്‍ക്കിങ് ഫീസ് എന്നിവ കൂടി ചേര്‍ത്ത് ഒരു പവന്റെ ആഭരണത്തിന് വന്‍ വില നല്‍കേണ്ട അവസ്ഥയാണ്.

ALSO READ: പൊന്നുമോളുടെ നാവിന്‍ തുമ്പില്‍ പിതാവ് ആദ്യാക്ഷരം കുറിച്ചു 'ഗസ്സ'; പിന്നെ ആ കുഞ്ഞുവിരല്‍ത്തുമ്പാല്‍ അയാള്‍ എഴുതിച്ചു ''ഫലസ്തീന്‍ കുഞ്ഞുങ്ങളെ സംരക്ഷിക്കുക'' 

ഒരു പവന്‍ സ്വര്‍ണം വാങ്ങാന്‍ ഇന്നെത്ര നല്‍കണം?

5% പണിക്കൂലി, 3% ജി.എസ്.ടി, ഹോള്‍മാര്‍ക്ക് ചാര്‍ജ് (53.10 രൂപ) എന്നീ ചാര്‍ജുകള്‍ ഈടാക്കുമ്പോള്‍ ഇന്ന് കേരളത്തിലെ ജ്വല്ലറികളില്‍ നിന്ന് ഒരു പവന്‍ സ്വര്‍ണം വാങ്ങാന്‍ ഏകദേശം 94,740 രൂപ നല്‍കേണ്ടി വരും. ഒരു ഗ്രാം സ്വര്‍ണാഭരണം വാങ്ങാന്‍ ഏകദേശം 11,890 രൂപയും കരുതേണ്ടതായി വരും.

English Summary: After a two-day dip, gold prices have once again surged in Kerala, with the price of one sovereign (pavan) increasing by ₹640 today. This brings the current rate to ₹87,560 per pavan, and ₹10,945 per gram for 22K gold.