നാഷണല്‍ ആയുഷ് മിഷന് കീഴില്‍ ജോലി നേടാന്‍ അവസരം. ആയുഷ് മിഷന്‍ പുതുതായി ഫിസിയോ തെറാപ്പിസ്റ്റ്, മള്‍ട്ടി പര്‍പ്പസ് വര്‍ക്കര്‍ തസ്തികകളിലേക്ക് റിക്രൂട്ട്‌മെന്റ് വിളിച്ചിട്ടുണ്ട്. യോഗ്യരായ ഉദ്യോഗാര്‍ഥികള്‍ക്ക് നിര്‍ദിഷ്ട ദിവസങ്ങളില്‍ നടക്കുന്ന അഭിമുഖത്തില്‍ പങ്കെടുത്ത് ജോലി നേടാം. 

തസ്തികയും ഒഴിവുകളും

നാഷണല്‍ ആയുഷ് മിഷന്‍ (NAM) ല്‍ മള്‍ട്ടി പര്‍പ്പസ് വര്‍ക്കര്‍, ഫിസിയോ തെറാപിസ്റ്റ് റിക്രൂട്ട്‌മെന്റ്. തൃശൂര്‍, കാസര്‍ഗോഡ് ജില്ലകളിലായാണ് ഒഴിവ് വന്നിട്ടുള്ളത്. 

കരാര്‍ അടിസ്ഥാനത്തില്‍ താല്‍ക്കാലിക നിയമനമാണ് നടക്കുക. 

പ്രായപരിധി

40 വയസ് വരെ പ്രായമുള്ളവര്‍ക്ക് അപേക്ഷിക്കാനാവും. 

യോഗ്യത

ഫിസിയോ തെറാപ്പിസ്റ്റ്

അംഗീകൃത യൂണിവേഴ്‌സിറ്റിക്ക് കീഴില്‍ ഫിസിയോ തെറാപ്പി ബിരുദം. അല്ലെങ്കില്‍ പിജി. 

മള്‍ട്ടി പര്‍പ്പസ് വര്‍ക്കര്‍

കേരള നഴ്‌സിങ് & മിഡൈ്വഫ് കൗണ്‍സില്‍ രജിസ്‌ട്രേഷനോട് കൂടിയ ജിഎന്‍എം നഴ്‌സിങ് യോഗ്യത നേടിയിരിക്കണം. 

ALSO READ: സമയം തീരുന്നു; പഞ്ചാബ് ആന്റ് സിന്ധ് ബാങ്കിൽ മാനേജർ ഒഴിവുകൾ; ഡി​ഗ്രിക്കാർക്ക് അവസരം 

ശമ്പളം

ഫിസിയോ തെറാപ്പിസ്റ്റ് = തെരഞ്ഞെടുക്കപ്പെടുന്നവര്‍ക്ക് പ്രതിമാസം 21,000 രൂപ ശമ്പളമായി ലഭിക്കും. 

മള്‍ട്ടി പര്‍പ്പസ് വര്‍ക്കര്‍ = തെരഞ്ഞെടുക്കപ്പെടുന്നവര്‍ക്ക് പ്രതിമാസം 15,000 രൂപ ശമ്പളമായി ലഭിക്കും. 

ഇന്റര്‍വ്യൂ വിവരങ്ങള്‍

രണ്ട് തസ്തികകളിലേക്കും ഇന്റര്‍വ്യൂ മുഖേനയാണ് ജോലിക്കാരെ നിയമിക്കുന്നത്. ഒക്ടോബര്‍ 10, 13 തീയതികളിലായി ചുവടെ നല്‍കിയ സ്ഥലങ്ങളില്‍ ഇന്റര്‍വ്യൂ നടക്കും. അപേക്ഷ ഫീസ് ആവശ്യമില്ല. ഡോക്യുമെന്റ് വെരിഫിക്കേഷന്‍ ഉണ്ടായിരിക്കും. അഭിമുഖ സമയത്ത് ഉദ്യോഗാര്‍ഥികള്‍ നിര്‍ദിഷ്ട ഫോര്‍മാറ്റിലുള്ള പൂരിപ്പിച്ച അപേക്ഷ ഫോമും പ്രസക്തമായ രേഖകളുടെ സ്വയം സാക്ഷ്യപ്പെടുത്തിയ പകര്‍പ്പുകളും ഹാജരാക്കണം. 

അഭിമുഖം ഇനി പറയുന്ന സ്ഥലത്തും തീയതിയിലും നടക്കും

ഫിസിയോ തെറാപ്പിസ്റ്റ്:  നാഷണല്‍ ആയുഷ് മിഷന്റെ ഓഫീസ് ജില്ലാ പ്രോഗ്രാം മാനേജര്‍, രാമ വര്‍മ്മ ജില്ലാ ആയുര്‍വേദ ആശുപത്രി, തൃശൂര്‍. ഒക്ടോബര്‍ 10, റിപ്പോര്‍ട്ടിംഗ് സമയം : രാവിലെ 9.30.

മള്‍ട്ടി പര്‍പ്പസ് വര്‍ക്കര്‍: നാഷണല്‍ ആയുഷ് മിഷന്റെ ഓഫീസ് ജില്ലാ ഓഫീസ്, ജില്ലാ ആയുര്‍വേദ ആശുപത്രി, പടന്നക്കാട്. ഒക്ടോബര്‍ 13, റിപ്പോര്‍ട്ടിംഗ് സമയം : ഉച്ചയ്ക്ക് 2.00

കൂടുതല്‍ ജോലിയൊഴിവുകള്‍ക്ക് ഗ്രൂപ്പില്‍ ജോയിന്‍ ചെയ്യുക

national ayush mission therapist multi purpose worker recruitment interview on october