ഉലുവ ചേര്‍ത്താലെ നമ്മുടെ മീന്‍ കറി കറിയാവുകയുള്ളൂ. ഉലുവയുടെ നേരിയ കയ്പ്പ് മീന്‍കറിയിലെ പുളിയോട് ചേരുമ്പോള്‍ കറിക്കൊരു പ്രത്യേക രുചിയും മണവുമാണ്. ഇത് മാത്രമല്ല, ചില ആരോഗ്യ കാരണങ്ങളുമുണ്ട്, മീന്‍ കറിയില്‍ ഉലുവ ചേര്‍ക്കുന്നതിന് പിന്നില്‍.

പ്രധാനമായും മീന്‍കറിയിലെ പുളി രസത്തെ സന്തുലിതമാക്കാനാണ് ഉലുവ ചേര്‍ക്കുന്നത്. ഉലുവ വറുത്തെടുക്കുമ്പോള്‍ ഒരു പ്രത്യേക മണമാണ്. ചൂടായ വെളിച്ചെണ്ണയിലേക്ക് ഉലുവയും കറിവേപ്പിലയും മറ്റ് മസാലകള്‍ കൂടി ചേരുമ്പോള്‍ നാടന്‍ മീന്‍ കറിക്ക് കൂടുന്ന രുചി വേറെ തന്നെയാണ്.

മുളകിട്ട മീന്‍ കറി ചിലയാളുകളില്‍ ദഹനപ്രശ്‌നങ്ങള്‍ ഉണ്ടാക്കാനിടയാക്കാറുണ്ട്. അത് ഒഴിവാക്കാന്‍ മീന്‍ കറിയിലെ ഉലുവ സഹായിക്കുമത്രേ. ഉലുവ ദഹനം മെച്ചപ്പെടുത്തുകയും അസിഡിറ്റി കുറയ്ക്കുകയും ചെയ്യുന്നതിനാല്‍ കറി എളുപ്പത്തില്‍ ദഹിക്കാനും വളരെയധികം സഹായിക്കും.

ALSO READ: എന്തുകൊണ്ടാണ് വിരലുകളില്‍ വീക്കം ഉണ്ടാകുന്നത്...  കാരണങ്ങള്‍ അറിയാം

മാത്രമല്ല, മീന്‍കറി ഒേേന്നാ രണ്ടോ ദിവസം കൂടുതല്‍ ഇരിക്കാനും കറിയില്‍ ഉലുവ ചേര്‍ക്കുന്നത് നല്ലതാണ്. പ്രത്യേകിച്ചും ചൂടും ഈര്‍പ്പവുമുള്ള കാലാവസ്ഥകളില്‍. ഒമേഗ-3 ധാരാളമായുള്ള മത്സ്യത്തിലും ഉലുവയിലും വീക്കം തടയുന്ന സംയുക്തങ്ങളും അടങ്ങിയിട്ടുണ്ട്. ഇവ രണ്ടും ചേരുമ്പോള്‍ സന്ധി വേദന, നീര്, ശരീരത്തിലെ വീക്കം എന്നിവയൊക്കെ കുറയുകയും ചെയ്യുന്നു.

ഉലുവയില്ലാതെ നാടന്‍ മീന്‍കറി പൂര്‍ണമാവുകയില്ല. എന്നാല്‍ കറിയിലിടുന്ന ഉലുവയുടെ അളവ് കൂടുതലാവാന്‍ പാടില്ല. കാരണം കയ്പ് അനുഭവപ്പെടുന്നതാണ്. 

In traditional Kerala fish curry, fenugreek (uluva) plays a crucial role not just in flavor but also in digestion and balance. The slight bitterness of fenugreek blends harmoniously with the tanginess of tamarind, creating a well-rounded, rich taste unique to authentic fish curry.

When sautéed in hot coconut oil along with curry leaves and spices, fenugreek releases a distinct aroma that elevates the dish. Beyond flavor, fenugreek also aids digestion and reduces acidity — making spicy fish curry easier on the stomach.Additionally, it balances the strong flavors of chili and sourness, making the curry more palatable and aromatic. However, it must be used in small amounts, as too much can make the curry bitter.