ദോഹ: ഗസ്സ മധ്യസ്ഥ ചര്‍ച്ചയ്ക്കായുള്ള യാത്ര്ക്കിടെ ഈജിപ്തില്‍ വച്ച് വാഹനാപകടത്തില്‍ മരിച്ച ഖത്തറിന്റെ മൂന്ന് മുതിര്‍ന്ന നയതന്ത്രജ്ഞരുടെ മൃതദേഹം മറവ് ചെയ്തു. സൗദ് ബിന്‍ താമര്‍ അല്‍ഥാനി, അബ്ദുല്ല ഗാനിം അല്‍ ഖയാരിന്‍, ഹസ്സന്‍ ജാബര്‍ അല്‍ ജാബര്‍ എന്നിവരുടെ മൃതദേഹങ്ങളാണ് മറവു ചെയ്തത്. അമീരി ദിവാനിലെ അംഗങ്ങളുടെ മയ്യിത്ത് നിസ്‌കാരം ഇന്നലെ ഇമാം മുഹമ്മദ് ഇബ്‌നു അബ്ദുല്‍ വഹാബ് പള്ളിയില്‍ നടന്നതായി അധികൃതര്‍ വാര്‍ത്താകുറിപ്പില്‍ അറിയിച്ചു. മന്ത്രിമാര്‍, ഉന്നത സര്‍ക്കാര്‍ ഉദ്യോഗസ്ഥര്‍, നിരവധി പൗരന്മാര്‍, താമസക്കാര്‍ എന്നിവര്‍ മരിച്ചവരെ ആദരിക്കാനും പ്രാര്‍ത്ഥനകള്‍ നടത്താനും ചടങ്ങില്‍ പങ്കെടുത്തു.

ഈജിപ്തിലെ ചെങ്കടല്‍ റിസോര്‍ട്ട് നഗരമായ ഷറമുഷെയ്ഖിന് സമീപം ഉണ്ടായ വാഹനാപകടത്തില്‍ മൂന്ന് നയതന്ത്രജ്ഞര്‍ മരിച്ചതായും രണ്ട് പേര്‍ക്ക് പരിക്കേറ്റതായും ഈജിപ്തിലെ ഖത്തര്‍ എംബസി സ്ഥിരീകരിച്ചിരുന്നു. അബ്ദുല്ല ഇസ്സ അല്‍ കുവാരി, മുഹമ്മദ് അബ്ദുല്‍ അസീസ് അല്‍ ബുഐനൈന്‍ എന്നിവര്‍ക്കാണ് പരിക്കേറ്റത്.

പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന്‍ അബ്ദുല്‍റഹ്മാന്‍ ബിന്‍ ജാസിം അല്‍താനി മരിച്ചവരുടെ കുടുംബങ്ങള്‍ക്ക് അനുശോചനം രേഖപ്പെടുത്തി. സര്‍വ്വശക്തനായ അല്ലാഹുവിനോട് അവന്റെ വിശാലമായ പറുദീസയില്‍ അവര്‍ക്ക് ഒരു സ്ഥാനം നല്‍കണമേ എന്നും അവരുടെ കുടുംബങ്ങള്‍ക്ക് ക്ഷമയും ആശ്വാസവും നല്‍കണമേ എന്നും ഞങ്ങള്‍ പ്രാര്‍ത്ഥിക്കുന്നു- അദ്ദേഹം എഴുതി.

ഗസ്സയില്‍ ഇസ്‌റാഈലും ഹമാസും തമ്മിലുള്ള വെടിനിര്‍ത്തല്‍ ചര്‍ച്ചചെയ്യുന്ന ഉന്നതതല ഉച്ചകോടിക്ക് മുന്നോടിയായി നഗരത്തിലേക്ക് യാത്ര ചെയ്യുകയായിരുന്നു ഖത്തര്‍ പ്രോട്ടോക്കോള്‍ ടീമില്‍ നിന്നുള്ള നയതന്ത്രജ്ഞര്‍. 

Funeral prayers for members of the Amiri Diwan who tragically lost their lives in a traffic accident in Sharm El-Sheikh, Egypt, was performed at Imam Muhammad ibn Abd al-Wahhab Mosque yesterday.