തിരുവനന്തപുരം: ഒറ്റപ്പെട്ടയിടങ്ങളില്‍ അതിശക്ത മഴയ്ക്കുള്ള സാധ്യതയുള്ളതിനാല്‍ ഇന്ന് നാലു ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് ഇന്ന് ഓറഞ്ച് അലര്‍ട്ട് പ്രഖ്യാപിച്ചിട്ടുള്ളത്. ബാക്കിയുള്ള ജില്ലകളിലെല്ലാം യെല്ലോ അലര്‍ട്ടും പ്രഖ്യാപിച്ചിട്ടുണ്ട്. 

നാളെ അഞ്ച് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. കാസര്‍കോട്, കണ്ണൂര്‍, വയനാട്, കോഴിക്കോട്, മലപ്പുറം ജില്ലകളില്‍ അതിശക്തമായ മഴയ്ക്കുള്ള മുന്നറിയിപ്പും പാലക്കാട്, തൃശൂര്‍, എറണാകുളം, ഇടുക്കി, തിരുവനന്തപുരം ജില്ലകളില്‍ ഒറ്റപ്പെട്ട അതിശക്തമായ മഴയ്ക്കുള്ള മുന്നറിയിപ്പും തുടരും.

ഓറഞ്ച് അലര്‍ട്ട്

23/10/2025:  കോഴിക്കോട്, വയനാട്, കണ്ണൂര്‍, കാസറഗോഡ്  

24/10/2025: മലപ്പുറം, കോഴിക്കോട്, വയനാട്, കണ്ണൂര്‍, കാസറഗോഡ്   

യെല്ലോ അലര്‍ട്ട്

23/10/2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം

24/10/2025: തിരുവനന്തപുരം, ഇടുക്കി, എറണാകുളം, തൃശ്ശൂര്‍, പാലക്കാട്

27/10/2025:  കോഴിക്കോട്, വയനാട്, കണ്ണൂര്‍, കാസറഗോഡ്

ALSO READ: 'പ്രകൃതിയ്ക്ക് വില പ്രകൃതി'; അറ്റകാമയിലെ ലിഥിയം ഖനനത്തില്‍ അറിയാതെ പോകുന്നത്..   

അറബിക്കടലില്‍  തീവ്ര ന്യൂനമര്‍ദ്ദം  

 തെക്ക് കിഴക്കന്‍ അറബിക്കടലില്‍  തീവ്രന്യൂനമര്‍ദ്ദം     ( Depression ) സ്ഥിതി ചെയ്യുന്നു.  ഇത് അടുത്ത 24 മണിക്കൂറിനുള്ളില്‍ തെക്കുകിഴക്കന്‍ അറബിക്കടലില്‍ കൂടി വടക്ക്  വടക്കുകിഴക്കന്‍ ദിശയില്‍ നീങ്ങി മധ്യകിഴക്കന്‍ അറബിക്കടലിലേക്ക് നീങ്ങാന്‍ സാധ്യത.

തെക്കന്‍ കര്‍ണാടകയ്ക്ക് മുകളില്‍  ന്യൂനമര്‍ദ്ദം സ്ഥിതി ചെയ്യുന്നു. ഇത് തുടര്‍ന്ന്  പടിഞ്ഞാറ്-വടക്കുപടിഞ്ഞാറ് ദിശയില്‍ നീങ്ങി തെക്കന്‍ കര്‍ണാടകയിലൂടെ കടന്നുപോയി അടുത്ത 24 മണിക്കൂറിനുള്ളില്‍ കിഴക്കന്‍ മധ്യ അറബിക്കടലിന്റെയും അതിനോട് ചേര്‍ന്ന തെക്കുകിഴക്കന്‍ അറബിക്കടലിന്റെയും ഭാഗങ്ങളിലേക്ക് എത്താന്‍ സാധ്യത.

ALSO READ: വജ്രപ്രഭയില്‍ ചന്ദ്രന്‍; തിളക്കത്തിന്റെ രഹസ്യം തേടി ഇന്നും ശാസ്ത്രലോകം

ബംഗാള്‍ ഉള്‍ക്കടലില്‍ വീണ്ടും ന്യൂനമര്‍ദ്ദ സാധ്യത

തെക്കുകിഴക്കന്‍ ബംഗാള്‍ ഉള്‍ക്കടലിനും അതിനോട് ചേര്‍ന്ന തെക്കന്‍ ആന്‍ഡമാന്‍ കടലിനും മുകളിലായി  ചക്രവാത ചുഴി  രൂപപ്പെട്ടു . ഇത് നാളെയോടെ  തെക്കുകിഴക്കന്‍ ബംഗാള്‍ ഉള്‍ക്കടലിന്റെയും അതിനോട് ചേര്‍ന്ന കിഴക്കന്‍ മധ്യ ബംഗാള്‍ ഉള്‍ക്കടലിന്റെയും മുകളില്‍  ന്യൂനമര്‍ദ്ദമായി  ശക്തി പ്രാപിക്കാന്‍ സാധ്യത. ഇത് പടിഞ്ഞാറ്-വടക്കുപടിഞ്ഞാറ് ദിശയില്‍ നീങ്ങി തുടര്‍ന്ന് അടുത്ത 24 മണിക്കൂറിനുള്ളില്‍ കൂടുതല്‍ ശക്തി പ്രാപിക്കാന്‍  സാധ്യത.

കേരളത്തില്‍ അടുത്ത 5 ദിവസം നേരിയ/ ഇടത്തരം  മഴയോ ഇടിയോടുകൂടിയ മഴയ്‌ക്കോ സാധ്യത. ഇന്നും  നാളെയും (ഒക്ടോബര്‍ 23 &24)  ഒറ്റപ്പെട്ട അതിശക്തമായ  മഴയ്ക്കും  ഒക്ടോബര്‍ 23 , 24 , 26  തീയതികളില്‍ ഒറ്റപ്പെട്ട  ശക്തമായ മഴയ്ക്കും  സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.

English Summary: The India Meteorological Department (IMD) has issued an orange alert for four districts in Kerala today, warning of very heavy rainfall in isolated places. The districts under the orange alert are Kozhikode, Wayanad, Kannur, and Kasaragod. A yellow alert has been announced for all other districts.