കോട്ടയം: രാഷ്ട്രപതിയുടെ സന്ദർശനവുമായി ബന്ധപ്പെട്ട് ഏർപ്പെടുത്തിയ ഗതാഗത നിയന്ത്രണം ലംഘിച്ച് അമിത വേഗത്തിൽ കടന്ന് പോയ മൂന്ന് യുവാക്കൾക്കെതിരെ പൊലിസ് കേസെടുത്തു. അതിരമ്പുഴ സ്വദേശികളായ ജിഷ്ണു രതീഷ്, കിടങ്ങൂർ സ്വദേശി സതീഷ് കെ.എം, കോതനല്ലൂർ സ്വദേശി സന്തോഷ് ചെല്ലപ്പൻ എന്നിവരെ പാലായിൽ വച്ചാണ് പൊലിസ് പിടികൂടിയത്.

ALSO READ: ബലാത്സംഗത്തിനിരയായി ഡോക്ടർ ആത്മഹത്യ ചെയ്ത സംഭവം: കൈപ്പത്തിയിലെഴുതിയ ആത്മഹത്യാക്കുറിപ്പിലുള്ളത് പൊലിസുകാരനെതിരെ ഞെട്ടിക്കുന്ന വിവരങ്ങൾ

രാഷ്ട്രപതിയുടെ സന്ദർശനവുമായി ബന്ധപ്പെട്ട് ഏർപ്പെടുത്തിയ സുരക്ഷാ ക്രമീകരണങ്ങളുടെ ഭാഗമായി നടന്ന വാഹന പരിശോധനയിൽ പൊലിസ് കൈ കാണിച്ചിട്ടും ബൈക്ക് നിർത്താതെ വെട്ടിച്ച് കടന്നുപോവുകയായിരുന്നു. ഇവർ സഞ്ചരിച്ച ബൈക്കിൽ മൂന്ന് പേരുണ്ടായിരുന്നതും, പിന്നിലിരുന്ന രണ്ട് പേർ ഹെൽമറ്റ് ധരിക്കാതിരുന്നതും നിയമലംഘനമായതോടെയാണ് പൊലിസ് കേസെടുക്കാൻ തീരുമാനിച്ചത്.

ALSO READ: ചെല്ലാനത്ത് മത്സ്യബന്ധനത്തിന് പോയ അഞ്ച് തൊഴിലാളികളെ കാണാതായി; തീരസംരക്ഷണ സേനയും നാവികസേനയും തിരച്ചിൽ ആരംഭിച്ചു

പിടികൂടിയ സംഘത്തിന്റെ വാഹനവും പൊലിസ് കസ്റ്റഡിയിലെടുത്തു. പൊലിസ് നടത്തിയ അന്വേഷണത്തിൽ വാഹനത്തിന് ഇൻഷുറൻസ് ഉണ്ടായിരുന്നില്ലെന്നും കണ്ടെത്തി.

ബൈക്കിൽ അനുവദനീയമായതിലും കൂടുതൽ ആളുകൾ കയറിയതിനും, പൊലിസ് നിർദ്ദേശം പാലിക്കാതെ കടന്നുകളഞ്ഞതിനും, ഗതാഗത നിയന്ത്രണം ലംഘിച്ചതിനുമാണ് ഇവർക്കെതിരെ കേസെടുത്തിരിക്കുന്നത് പൊലിസ് പറഞ്ഞു. മൂന്ന് പേരെയും സ്റ്റേഷൻ ജാമ്യത്തിൽ വിട്ടയക്കും.

ALSO READ: ക്ലാസ്മുറിയിലെ ചൂരൽ പ്രയോ​ഗം: പരിമിതമായ അച്ചടക്ക അധികാരം ക്രൂരതയല്ല; അധ്യാപകനെതിരായ ക്രിമിനൽ നടപടികൾ റദ്ദാക്കി ഹൈക്കോടതി 

three arrested for flouting traffic restrictions, evading police during president's visit in palai . the trio was on a bike without helmet/insurance and sped past police checks