കുവൈത്ത് സിറ്റി: ഹവല്ലി ഗവർണറേറ്റിലെ സൽവ, റുമൈഥിയ പ്രദേശങ്ങളിൽ സുരക്ഷാ, ട്രാഫിക് പരിശോധനകൾ നടത്തി ആഭ്യന്തര മന്ത്രാലയത്തിന് കീഴിലുള്ള ജനറൽ ഡിപ്പാർട്ട്‌മെന്റ് ഓഫ് പൊലിസ്. പൊതു സുരക്ഷയ്ക്ക് ഭീഷണിയാകുന്ന അശ്രദ്ധമായ ഡ്രൈവിംഗ് രീതികൾ തടയുന്നതിനും നിയമലംഘകരെ പിടികൂടുന്നതിനും വേണ്ടിയാണ് ഈ നടപടികൾ.

ALSO READ: നിങ്ങളുടെ പിറന്നാൾ ദിനത്തിൽ മിറാക്കിൾ ​ഗാർഡൻ സന്ദർശിച്ചോളൂ; ടിക്കറ്റ് സൗജന്യമാണ്; എങ്ങനെയെന്നറിയാം

മന്ത്രാലയത്തിന്റെ റിപ്പോർട്ട് പ്രകാരം, ഈ പരിശോധനയിൽ ചില നേട്ടങ്ങൾ കൈവരിക്കാൻ കഴിഞ്ഞു. പരിശോധനയുടെ വിശദാംശങ്ങൾ താഴെ നൽകുന്നു.

• വിവിധ ഗതാഗത നിയമലംഘനങ്ങൾക്ക് 524 ട്രാഫിക് നോട്ടീസുകൾ നൽകി, ഒപ്പം വാറണ്ടുള്ള ഒരു വാഹനം പിടിച്ചെടുത്തു.
• അറസ്റ്റ് വാറണ്ടുള്ള രണ്ട് വ്യക്തികളെ പിടികൂടി.
• മദ്യവും മയക്കുമരുന്നുകളും കൈവശം വെച്ചതിന് ഏഴ് പേരെ തടവിലാക്കി.
• നിയമലംഘനങ്ങൾക്ക് ഒൻപത് വാഹനങ്ങൾ കസ്റ്റഡിയിലെടുത്തു. ഏഴ് വാണ്ടഡ് വാഹനങ്ങളും കസ്റ്റഡിയിലെടുത്തു.
• ലഹരി ഉപയോഗിച്ച നിലയിൽ കണ്ടെത്തിയ അഞ്ച് വ്യക്തികളെ അറസ്റ്റ് ചെയ്തു.
• താമസ, തൊഴിൽ നിയമങ്ങൾ ലംഘിച്ച ഏഴ് പേരെയും, ജോലിസ്ഥലത്ത് നിന്ന് ഒളിച്ചോടിയതായി റിപ്പോർട്ട് ചെയ്ത അഞ്ച് പേരെയും അറസ്റ്റ് ചെയ്തു.
• ക്രിമിനൽ പ്രവർത്തനങ്ങളിൽ ഉൾപ്പെട്ട ഒരാളെ പിടികൂടി.
• ഒരാളെ കരുതൽ തടങ്കലിലേക്ക് മാറ്റുകയും, മറ്റൊരാളെ ജുവനൈൽ പ്രോസിക്യൂഷന് (Juvenile Prosecution) കൈമാറുകയും ചെയ്തു.

ALSO READ: ഭക്ഷ്യ സുരക്ഷയും ഗുണനിലവാരവും ഉറപ്പാക്കണം; ഗ്ലോബൽ വില്ലേജിൽ പരിശോധന നടത്തി ദുബൈ മുനിസിപ്പാലിറ്റി

എല്ലാ ഗവർണറേറ്റുകളിലും ഇത്തരം പരിശോധനകൾ തുടരുമെന്ന് ജനറൽ ഡിപ്പാർട്ട്‌മെന്റ് ഓഫ് റെസ്ക്യൂ പൊലിസ് വ്യക്തമാക്കി. പൊതു സുരക്ഷ നിലനിർത്തുന്നതിനും ട്രാഫിക് സുരക്ഷ മെച്ചപ്പെടുത്തുന്നതിനും ഈ നടപടികൾ അത്യന്താപേക്ഷിതമാണ്, വിട്ടുവീഴ്ചകളില്ലാതെ എല്ലാ നിയമലംഘകർക്കെതിരെയും കടുത്ത നിയമനടപടികൾ സ്വീകരിക്കും അധികൃതർ വ്യക്തമാക്കി.

The General Department of Police, under the Ministry of Interior, conducted comprehensive security and traffic checks in the Salwa and Rumaithiya areas of Hawally Governorate. The operation aimed to enhance security and maintain public safety.