ലക്‌നൗ: മുസ്‌ലിങ്ങള്‍ക്കെതിരെ കടുത്ത വിദ്വേശ പ്രസംഗവുമായി ഉത്തര്‍പ്രദേശിലെ ബിജെപി നേതാവ്. മുസ്‌ലിം പെണ്‍കുട്ടികളെ കൊണ്ടുവരുന്ന ഹിന്ദു യുവാക്കള്‍ക്ക് പ്രതിഫലമായി ജോലി നല്‍കുമെന്നാണ് ഡൊമരിയഗഞ്ചിലെ മുന്‍ ബിജെപി എംഎല്‍എ രാഘവേന്ദ്ര പ്രതാപിന്റെ വാഗ്ദാനം. പ്രസംഗത്തിന്റെ വീഡിയോ പുറത്തായതോടെ വലിയ തോതിലുള്ള പ്രതിഷേധമാണ് ഇയാള്‍ക്കെതിരെ ഉയരുന്നത്. 

ജനക്കൂട്ടത്തെ അഭിസംബോധനം ചെയ്ത് സംസാരിക്കവെയാണ് രാഘവേന്ദ്രയുടെ വിദ്വേഷ പരാമര്‍ശം. മുസ് ലിം പെണ്‍കുട്ടിയെ കൊണ്ടുവരുന്ന ഹിന്ദു ആണ്‍കുട്ടികള്‍ക്ക് ഞങ്ങള്‍ ഒരു ജോലി തയ്യാറാക്കി നല്‍കുമെന്ന് ഇയാള്‍ പറയുന്നത് വീഡിയോയില്‍ വ്യക്തമാണ്. 
ALSO READ: പധാനമന്ത്രി തൊഴില്‍ ദായ പദ്ധതിയുടെ പേരില്‍ 1.5 കോടി തട്ടി; യുവതി പിടിയില്‍ 

വീഡിയോ വൈറലായതിന് പിന്നാലെ ആംആദ്മി ദേശീയ വക്താവ് സഞജയ് സിങ് പ്രതിഷേധവുമായി രംഗത്തെത്തി. രാഘവേന്ദ്രയുടെ ആഹ്വാനം കുറ്റകൃത്യത്തിലേക്കുള്ള നേരിട്ടുള്ള പ്രേരണ ആണെന്നും പൊലിസ് നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. യുപി പൊലിസ് നിസാര കേസുകള്‍ക്ക് മുസ് ലിങ്ങളെ അറസ്റ്റ് ചെയ്യുന്നു. എന്നാല്‍ ഹിന്ദു നേതാക്കള്‍ അക്രമത്തിന് പ്രേരിപ്പിക്കുമ്പോള്‍ അത് മറച്ച് വെക്കുകയും ചെയ്യുന്നു. ഒരു നേതാവ് തട്ടിക്കൊണ്ട് പോകലിനും നിര്‍ബന്ധിത മതപരിവര്‍ത്തനത്തിനും പരസ്യമായി പ്രേരിപ്പിക്കുകയാണെങ്കില്‍ അതില്‍ നിയമനടപടി സ്വീകരിക്കണം. അയാളെ ഉടന്‍ അറസ്റ്റ് ചെയ്യണം. സഞജയ് സിങ് എക്‌സില്‍ കുറിച്ചു. 

Former BJP MLA Raghavendra Pratap of Domariyaganj, UP, made a controversial hate speech, offering jobs to Hindu youths who bring Muslim girls.