കുവൈത്ത് സിറ്റി: രാജ്യത്ത് വിതരണം ചെയ്യാനായി തയ്യാറാക്കിയ വൻതോതിൽ മയക്കുമരുന്ന് ആഭ്യന്തര മന്ത്രാലയത്തിന്റെ ക്രിമിനൽ സുരക്ഷാ വിഭാഗം പിടിച്ചെടുത്തു. സംഭവത്തിൽ ഒരു ഏഷ്യൻ പൗരനെ അറസ്റ്റ് ചെയ്തിട്ടുണ്ട്. 

രഹസ്യവിവരം ലഭിച്ചതിനെ തുടർന്ന് നടത്തിയ അന്വേഷണത്തിൽ വിവരം സ്ഥിരീകരിക്കുകയും വാറണ്ട് നേടുകയും ചെയ്ത ശേഷം സുരക്ഷാ സേന ഇയാളുടെ താമസസ്ഥലത്ത് റെയ്ഡ് നടത്തി.

ALSO READ: തൊഴിലിടങ്ങളിലെ സുരക്ഷ തൊഴിലുടമകളുടെ ഉത്തരവാദിത്തം; ഒമാൻ തൊഴിൽ മന്ത്രാലയം

റെയ്ഡിൽ വിതരണത്തിനായി തയ്യാറാക്കിയ ഏകദേശം ഏഴ് കിലോഗ്രാം മയക്കുമരുന്ന് പിടിച്ചെടുത്തു. ഇതിൽ അഞ്ച് കിലോഗ്രാം ഹെറോയിനും രണ്ട് കിലോഗ്രാം മെത്താംഫെറ്റാമൈനും (Methamphetamine) ഉൾപ്പെടുന്നു. മയക്കുമരുന്ന് അളന്ന് തിട്ടപ്പെടുത്താൻ ഉപയോഗിച്ചിരുന്ന രണ്ട് ത്രാസുകളും പിടിച്ചെടുത്തു. പിടിയിലായ പ്രതിയെയും പിടിച്ചെടുത്ത സാധനങ്ങളും തുടർ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറി.

സമൂഹത്തിൻ്റെ സുരക്ഷയ്ക്ക് ഭീഷണിയാകുന്ന മയക്കുമരുന്ന് വിതരണത്തിൽ ഏർപ്പെടുന്ന ആർക്കെതിരെയും വിട്ടുവീഴ്ചയില്ലാതെ നടപടി തുടരുമെന്ന് മന്ത്രാലയം ഉറപ്പ് നൽകി. കുറ്റവാളികൾ എവിടെ ഒളിച്ചാലും നിയമത്തിന് മുന്നിൽ കൊണ്ടുവരുമെന്ന് അവർ അടിവരയിട്ടു പറയുന്നു. കൂടാതെ, നിരീക്ഷണവും തുടർപരിശോധനകളും ഇരുപത്തിനാല് മണിക്കൂറും തുടരുകയാണെന്നും മന്ത്രാലയം അറിയിച്ചു.

The Kuwait Ministry of Interior has foiled a major drug trafficking attempt, seizing a large consignment of narcotics and arresting an Asian national involved in the operation