ഇന്നത്തെ കാലത്ത് ഒരു നേരമെങ്കിലും സാലഡ് കഴിക്കുന്നത് ശീലമാക്കിയവരാണ് ധാരാളം ആളുകള്‍. ആരോഗ്യകരമായ ഭക്ഷണശീലങ്ങള്‍ക്ക് ഏറ്റവും മികച്ച രീതിയുമാണ് സാലഡ്. വിറ്റാമിനുകളും ധാതുക്കളും ആന്റിഓക്‌സിഡന്റുകളും ധാരാളമായി അടങ്ങിയ ആപ്പിള്‍, ബീറ്റ്‌റൂട്ട്, കാരറ്റ് എന്നിവ ചേര്‍ത്ത് നമുക്ക് അടിപൊളി ഒരു സാലഡ് തയാറാക്കാം. 

ഈ മൂന്ന് ചേരുവകളും ഒരുമിച്ച് കഴിക്കുന്നത് നമ്മുടെ പ്രതിരോധശേഷി വര്‍ധിപ്പിക്കാനും രക്തത്തിലെ ഹീമോഗ്ലോബിന്റെ അളവ് കൂട്ടാനും ദഹനപ്രക്രിയ എളുപ്പമാക്കാനും ചര്‍മത്തിന് തിളക്കം നല്‍കാനും സഹായിക്കുന്നതാണ്. വളരെ എളുപ്പത്തില്‍ തന്നെ തയാറാക്കാവുന്ന ഈ സാലഡ് ഒരത്ഭുത സാലഡ് തന്നെയാണ്. വളരെ കുറഞ്ഞ സമയം കൊണ്ട് ഉണ്ടാക്കാവുന്നതാണ്. 

ആപ്പിള്‍ -1
കാരറ്റ് -1
ബീറ്റ്‌റൂട്ട്- ഹാഫ് 
പുതിനയില-3 ഇല
വാല്‍നട്ട്- 4
കുരുമുളക് -

ഇഞ്ചി- ചെറിയ കഷണം
തേന്‍- ആവശ്യത്തിന്
ഒലിവ് എണ്ണ- ആവശ്യത്തിന്
ഉപ്പ് -
നാരങ്ങ- അര മുറി

തയ്യാറാക്കുന്ന വിധം

ആപ്പിള്‍ നന്നായി കഴുകി തൊലി കളഞ്ഞ് കനം കുറച്ച് ഒരേ ഷേപ്പില്‍ അരിഞ്ഞെടുക്കാം. കാരറ്റും, ബീറ്റ്‌റൂട്ടും ഇതു പോലെ തന്നെ കനം കുറച്ച് അരിഞ്ഞെടുക്കുക. ഇത് ഒരു ബൗളിലേയ്ക്കു മാറ്റി വയ്ക്കാം. ഇതിലേയ്ക്ക് പുതനയില, വാല്‍നട്ട് എന്നിവ ചേര്‍ത്തു കൊടുക്കാം.

ALSO READ: കോവയ്ക്കയും അണ്ടിപരിപ്പും ചേര്‍ത്തു ഇങ്ങനെയൊന്നു ഉണ്ടാക്കി നോക്കൂ... ഇത്ര രുചിയോടെ നിങ്ങള്‍ തോരന്‍ കഴിച്ചിട്ടുണ്ടാവില്ല

തേനിലേയ്ക്ക് ആവശ്യത്തിന് ഉപ്പ്, കുരുമുളകു പൊടി, ഒലിവ് എണ്ണ, ഇഞ്ചി ചെറിയ കഷ്ണങ്ങളാക്കിയത് എന്നിവ ചേര്‍ത്തിളക്കി യോജിപ്പിക്കുക. ഇത് ആപ്പിളും കാരറ്റും അരിഞ്ഞതിനു ബൗളിലേക്കു ചേര്‍ത്തു യോജിപ്പിച്ച് കഴിക്കാവുന്നതാണ്. അടിപൊളി രുചിയുള്ള ഹെല്‍തി സലാഡ് റെഡി. 

A simple and nutritious salad made with apple, beetroot, and carrot is packed with vitamins, minerals, and antioxidants. Regular consumption helps boost immunity, increase hemoglobin levels, improve digestion, and enhance skin glow — making it a true “wonder salad” for healthy living.