പാലക്കാട്: കളിക്കുന്നതിനിടെ കഴുത്തിൽ തോർത്ത് കുരുങ്ങി ഒമ്പത് വയസ്സുകാരന് ദാരുണാന്ത്യം. പാലക്കാട് നെല്ലായ പേങ്ങാട്ടിരി അംബേദ്കർ നഗറിലാണ് സംഭവം നടന്നത്. പേങ്ങാട്ടിരി ചെറുവശ്ശേരി പള്ളിയാലിൽ മുജീബിന്റെ മകൻ മുഹമ്മദ് ആഷിക് (9) ആണ് മരിച്ചത്.

വൈകിട്ട് 4.30-ഓടെയായിരുന്നു അപകടം. വീടിന്റെ അയലിൽ ഉണങ്ങാനിട്ടിരുന്ന തോർത്ത് കളിക്കുന്നതിനിടെ കുട്ടിയുടെ കഴുത്തിൽ കുരുങ്ങുകയായിരുന്നു. കഴുത്തിൽ കുരുക്ക് മുറുകിയതിനെ തുടർന്ന് കുട്ടി നിലത്ത് വീണു.

ALSO READ: ഏത് നിമിഷവും ആക്രമിക്കപ്പെടാം; തെളിവിനായി സ്ഥാപിച്ച സിസിടിവി നീക്കണമെന്നാവശ്യപ്പെട്ട് അയൽവാസി സമർപ്പിച്ച ഹരജി ഹൈക്കോടതി തള്ളി

ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൃഷ്ണപ്പടി ഇഎൻയുപി സ്‌കൂളിലെ അഞ്ചാം ക്ലാസ് വിദ്യാർഥിയാണ് മുഹമ്മദ് ആഷിക്.

A nine-year-old boy in Palakkad died after a towel got tangled around his neck while playing.