തിരുവനന്തപുരം: കടുവകളുടെ എണ്ണമെടുക്കാനായി ബോണക്കാട് ഉള്‍വനത്തില്‍ പോയ വനിതാ ഫോറസ്റ്റ് ഉദ്യോഗസ്ഥ അടക്കം മൂന്ന് പേരെ കാണാനില്ല. പാലോട് റെയ്ഞ്ച് ഓഫിസിലെ വനിതാ ഫോറസ്റ്റര്‍ വിനീത, ബിഎഫ്ഒ രാജേഷ്, വാച്ചര്‍ രാജേഷ് എന്നിവരെയാണ് കാണാതായിരിക്കുന്നത്.

ഇന്നലെ രാവിലെയാണ് ഇവര്‍ ബോണക്കാട് ഉള്‍വനത്തിലെ കടുവകളുടെ എണ്ണം എടുക്കാന്‍ പോയത്. എന്നാല്‍, ഇവര്‍ കാടുകയറിയ ശേഷം വൈകുന്നേരം മുതല്‍ ഇവരെ ബന്ധപ്പെടാന്‍ കഴിഞ്ഞില്ലെന്നാണ് ലഭ്യമാകുന്ന വിവരം. തുടര്‍ന്ന് ആര്‍ആര്‍ടി അംഗങ്ങള്‍ ഇവര്‍ക്കായി അന്വേഷണം ആരംഭിക്കുകയായിരുന്നു.

ALSO READ: കൊച്ചി നഗരത്തില്‍ ഇന്ന് കുടിവെള്ളം മുടങ്ങില്ല; തമ്മനം പമ്പ് ഹൗസിലെ അറ്റകുറ്റപ്പണികള്‍ മാറ്റിവച്ചെന്ന് ജല അതോറിറ്റി

കേരള - തമിഴ്‌നാട് അതിര്‍ത്തി മേഖല കൂടിയാണ് ബോണക്കാട്. അഗസ്ത്യാര്‍മലയും ഇവിടെയാണ്. ഡിഎഫ്ഓ ഉള്‍പ്പെടെയുള്ള ഉദ്യോഗസ്ഥര്‍ ഇന്ന് സ്ഥലത്ത് എത്തുന്നതാണ്. കാണാതായവര്‍ക്കായി ഇപ്പോഴും തെരച്ചില്‍ തുടരുകയാണ്. അതേസമയം, ഉദ്യോഗസ്ഥരെ കാണാതായെന്ന് പറയാന്‍ ആയിട്ടില്ലെന്നും ഇവരുമായുള്ള ബന്ധം നഷ്ടപ്പെട്ടു എന്നേയുള്ളുവെന്നും മന്ത്രി ശശീന്ദ്രന്‍ പറഞ്ഞു.

hree people, including a woman forest officer, have gone missing in the Bonakkad inner forest in Thiruvananthapuram during a tiger population survey. The missing individuals are Vineetha (a woman forester at Palode Range Office), BFO Rajesh, and watcher Rajesh. They entered the forest yesterday morning and have been unreachable since evening. RRT teams have begun search operations. Bonakkad lies along the Kerala–Tamil Nadu border and includes the Agasthyarmala region. Senior officials, including the DFO, are reaching the site today.