തിരുവനന്തപുരം: റോഡ് വികസനത്തിന്റെ ഭാഗമായെടുത്ത കുഴിയില്‍ വീണ് ബൈക്ക് യാത്രികന് ദാരുണാന്ത്യം. കരകുളം ഏണിക്കര ദുര്‍ഗ്ഗാ ലൈന്‍ ശിവശക്തിയില്‍ ആകാശ് മുരളി (30) ആണ് മരിച്ചത്. വഴയിലയ്ക്ക് സമീപം പുരവൂര്‍കോണത്ത് റോഡ് വികസനത്തിന്റെ ഭാഗമായി ഓടയ്ക്ക് എടുത്ത കുഴിയിലേക്ക് ഇരുചക്ര വാഹനം വീഴുകയായിരുന്നു. 

ഇന്ന് പുലര്‍ച്ചെ ഒരുമണിയോടെയായിരുന്നു സംഭവം. ടെക്‌നോപാര്‍ക്കില്‍ ജോലി കഴിഞ്ഞ് തിരിച്ചുവരികയായിരുന്നു. വഴയില-പഴകുറ്റി നാലുവരി പാതയുടെ നിര്‍മ്മാണത്തിന്റെ ഭാഗമായ കലുങ്ക് പണി നടക്കുന്ന സ്ഥലമാണ് ഇത്.

In Thiruvananthapuram, tech worker Akash Murali (30) tragically died when his scooter plunged into a roadwork pit on the Vazhail–Pazhakkutty stretch early this morning.