കോഴിക്കോട്: താമരശ്ശേരി ചുരത്തിൽ ഇന്നും കനത്ത ഗതാഗതക്കുരുക്കിന് സാധ്യത. അവധി ദിവസങ്ങളായതിനാൽ കഴിഞ്ഞ കുറച്ചു ദിവസങ്ങളായി ഇവിടെ വലിയ തിരക്കാണ് അനുഭവപ്പെടുന്നത്. ഇന്നലെ പുലർച്ചെ തുടങ്ങിയ ഗതാഗത തടസ്സം വൈകുന്നേരത്തോടെയാണ് മാറിയത്. അതേസമയം, ചുരത്തിലെ തിരക്ക് നിയന്ത്രിക്കാൻ കൃത്യമായ ഇടപെടലുകൾ ഉണ്ടാകുന്നില്ലെന്നും ആക്ഷേപമുണ്ട്.

ALSO READ: തൊണ്ടിമുതൽ കേസ്: ആന്റണി രാജു എംഎൽഎയും, കൂട്ടുപ്രതി ജോസും അപ്പീലിന്

നേരത്തെ, മൾട്ടി ആക്സിൽ വാഹനങ്ങൾക്ക് ചുരത്തിൽ നിയന്ത്രണം ഏർപ്പെടുത്തിയിരുന്നു, എന്നാൽ അത് ഇതുവരെയും നടപ്പിലാക്കാത്തതും ​ഗതാ​ഗത കുരുക്ക് വർധിപ്പിക്കുന്നു. കഴിഞ്ഞ ദിവസം ആംബുലൻസുകൾ വരെ മണിക്കൂറുകളോളം ചുരത്തിൽ കുടുങ്ങിക്കിടന്നു. അതേസമയം, നാളെ മുതൽ റോഡ് വീതികൂട്ടാൻ മുറിച്ചിട്ട മരങ്ങൾ മാറ്റുന്ന ജോലികൾ ആരംഭിക്കുകയാണ്. ഈ സാഹചര്യത്തിൽ ​ഗതാ​ഗതക്കുരുക്ക് ഇനിയും രൂക്ഷമാകാനാണ് സധ്യത.

Thamarassery Ghat road is likely to experience heavy traffic congestion today, being a holiday weekend. The stretch has been witnessing significant traffic jams in recent days, with yesterday's congestion lasting from early morning till evening