പാലക്കാട്: നിയമസഭ തെരഞ്ഞെടുപ്പ് വരാനിരിക്കെ പാര്‍ട്ടികളില്‍ സ്ഥാനാര്‍ഥികളെ സംബന്ധിച്ചുള്ള ചര്‍ച്ചകള്‍ സജീവം. പാലക്കാട് മണ്ഡലത്തില്‍ ഡിസിസി പ്രസിഡന്റ് എ തങ്കപ്പന്‍ സ്ഥാനാര്‍ഥിയാകണമെന്നാണ് കോണ്‍ഗ്രസിന്റെ നിലപാട്. പാലക്കാട് തങ്കപ്പനെ മത്സരിപ്പിക്കണമെന്നാണ് കോണ്‍ഗ്രസിന്റെ ജില്ലാ നേതൃയോഗത്തില്‍ ആവശ്യം ഉയര്‍ന്നത്. കേരളത്തിന്റെ തെരഞ്ഞെടുപ്പ് ചുമതലയുള്ള ദീപാ ദാസ് മുന്‍ഷിയെ ഇക്കാര്യം അറിയിച്ചു കഴിഞ്ഞു.

അതേസമയം തൃത്താലയില്‍ വി.ടി ബല്‍റാം മത്സരിക്കും. അതേസമയം തെരഞ്ഞെടുപ്പില്‍ മത്സര സന്നദ്ധത അറിയിച്ച് കോണ്‍ഗ്രസ് നേതാവ് സന്ദീപ് വാര്യര്‍ രംഗത്തെത്തി. പാര്‍ട്ടി പറഞ്ഞാല്‍ എവിടെയും മത്സരിക്കുമെന്ന് സന്ദീപ് വാര്യര്‍ പറഞ്ഞു.