മനാമ: ആധുനിക ബഹ്‌റൈന്റെ ശില്പിയും മുൻ ഭരണാധികാരിയുമായ ശൈഖ് ഈസ ബിൻ അലി അൽ ഖലീഫയുടെ സ്മരണാർത്ഥം 2026-നെ 'ഈസ അൽ കബീർ വർഷമായി' പ്രഖ്യാപിച്ചു. ബഹ്‌റൈൻ ഭരണാധികാരി ഹിസ് മജസ്റ്റി ഹമദ് ബിൻ ഈസ അൽ ഖലീഫയാണ് ഇത് സംബന്ധിച്ച ഉത്തരവിറക്കിയത്.

1869 മുതൽ 1932 വരെ ബഹ്‌റൈൻ ഭരിച്ചിരുന്ന ശൈഖ് ഈസ ബിൻ അലി അൽ ഖലീഫയുടെ ഭരണനേട്ടങ്ങളെയും രാഷ്ട്രനിർമ്മാണത്തിൽ അദ്ദേഹം വഹിച്ച സമാനതകളില്ലാത്ത പങ്കിനെയും ആദരിക്കുന്നതിനാണ് ഈ തീരുമാനം. സഖീർ കൊട്ടാരത്തിൽ കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയുമായി നടത്തിയ കൂടിക്കാഴ്ചയിലാണ് രാജാവ് ഈ ചരിത്ര പ്രഖ്യാപനം നടത്തിയത്.

ആധുനിക ബഹ്‌റൈന്റെ ശില്പി

ബഹ്‌റൈന്റെ സുസ്ഥിരത ഉറപ്പാക്കുന്നതിലും നിയമ-സിവിൽ സ്ഥാപനങ്ങൾ കെട്ടിപ്പടുക്കുന്നതിലും നിർണ്ണായക പങ്കുവഹിച്ച ഭരണാധികാരിയായിരുന്നു ശൈഖ് ഈസ ബിൻ അലി അൽ ഖലീഫ. രാഷ്ട്രീയ, ഭരണ, സാമൂഹിക മേഖലകളിൽ ആധുനികവൽക്കരണം കൊണ്ടുവന്നതും സ്ഥാപനപരമായ ഭരണം, സുരക്ഷ, നീതിന്യായ വ്യവസ്ഥ എന്നിവയ്ക്ക് അടിത്തറ പാകിയതും ഇദ്ദേഹത്തിന്റെ ഭരണകാലത്താണ്.

അദ്ദേഹത്തിന്റെ പ്രധാന നേട്ടങ്ങൾ:

ഗൾഫ് മേഖലയിലെ ആദ്യ മുനിസിപ്പാലിറ്റി സ്ഥാപിച്ചത് അദ്ദേഹം ആണ്. മനാമയിൽ രാജ്യത്തെ ആദ്യ പോസ്റ്റ് ഓഫീസ് തുറന്നു. ആദ്യ ആശുപത്രിയുടെ നിർമ്മാണം, ക്വാറന്റൈൻ സൗകര്യങ്ങൾ ഉൾപ്പെടെയുള്ള ആരോഗ്യ സേവനങ്ങളുടെ തുടക്കവും അക്കാലത്ത് ആണ്. ആൺകുട്ടികൾക്കും പെൺകുട്ടികൾക്കുമായി ഔദ്യോഗിക വിദ്യാഭ്യാസ രീതിയും സ്‌കൂളുകളും ആരംഭിച്ചു. കസ്റ്റംസ് അഡ്മിനിസ്‌ട്രേഷൻ, കൃഷി, ജലസേചന കൗൺസിലുകൾ എന്നിവയുടെ രൂപീകരണം. സാംസ്‌കാരിക സ്ഥാപനങ്ങൾക്കും ലൈബ്രറികൾക്കും നൽകിയ ശക്തമായ പിന്തുണയുടെ പേരിലും അദ്ദേഹം അറിയപ്പെട്ടു.

ആധുനിക ബഹ്‌റൈന്റെ വളർച്ചയ്ക്ക് അടിത്തറയിട്ട ഭരണാധികാരിയോടുള്ള ആദരസൂചകമായി 2026-ൽ വിപുലമായ പരിപാടികളാണ് രാജ്യം വിഭാവനം ചെയ്യുന്നത്.

ALSO READ: ജീവൻ പണയപ്പെടുത്തി ജോലി ചെയ്യുന്നവർ; ലോകത്തിലെ ഏറ്റവും അപകടകരമായ 10 തൊഴിലുകൾ | 10 Dangerous Jobs

The year 2026 has been declared the ‘Year of Isa Al Kabir’ in memory of His Highness Isa bin Ali Al Khalifa, the ruler of Bahrain and its dependent states from 1869 to 1932 and the founder of the modern state.