മുംബൈ: മഹാരാഷ്ട്ര സ്റ്റേറ്റ് ഹജ്ജ് കമ്മിറ്റിയുടെ ചരിത്രത്തിലാദ്യമായി അമുസ്‌ലിം ഉദ്യോഗസ്ഥനെ ചീഫ് എക്‌സിക്യൂട്ടീവ് ഓഫീസറായി (CEO) നിയമിച്ച് സംസ്ഥാനത്തെ ബി.ജെ.പി സര്‍ക്കാര്‍. ഐ.എ.എസ് ഉദ്യോഗസ്ഥനായ മനോജ് ജാദവാണ് പുതിയ സി.ഇ.ഒ. ഷെയ്ഖ് ഇബ്രാഹിം ഷെയ്ഖ് അസ്‌ലമിന് പകരമാണ് ജാദവ് ചുമതലയേറ്റത്. ഈ വര്‍ഷത്തെ ഹജ്ജ് തീര്‍ത്ഥാടനത്തിനുള്ള ഒരുക്കങ്ങള്‍ക്കിടെയുള്ള നീക്കം വലിയ ചര്‍ച്ചകള്‍ക്കും പ്രതിഷേധങ്ങള്‍ക്കും വഴിവച്ചിട്ടുണ്ട്.

മക്ക, മദീന എന്നീ വിശുദ്ധ നഗരങ്ങളിലേക്കുള്ള തീര്‍ത്ഥാടനത്തിന്റെ ഭരണപരമായ മേല്‍നോട്ടം വഹിക്കുന്ന ഉദ്യോഗസ്ഥന്‍ എന്ന നിലയില്‍, മുസ്‌ലിം അല്ലാത്ത ഒരാള്‍ക്ക് ഹജ്ജ് കര്‍മ്മങ്ങളുടെ സങ്കീര്‍ണ്ണതകളും ആചാരങ്ങളും പൂര്‍ണ്ണമായി മനസ്സിലാക്കാന്‍ കഴിയുമോ എന്ന് മുസ്ലിം സംഘടനകള്‍ ആശങ്ക പ്രകടിപ്പിച്ചു. 

 

 

നിയമനത്തെ മുതിര്‍ന്ന അഭിഭാഷകന്‍ യൂസഫ് അബ്രഹാനി ചോദ്യം ചെയ്തു. ഹജ്ജ് തീര്‍ത്ഥാടകരുടെ മതപരമായ ആവശ്യകതകളും പ്രത്യേക ആവശ്യങ്ങളും ഒരു അമുസ്ലിം മനസ്സിലാക്കുമെന്ന് പ്രതീക്ഷിക്കാനാവില്ലെന്ന് അദ്ദേഹം വാദിച്ചു. ഹിന്ദു മത ട്രസ്റ്റുകളില്‍ മുസ്ലിംകള്‍ക്ക് അംഗങ്ങളാകാന്‍ അനുവാദമില്ലെന്നും അബ്രഹാനി ചൂണ്ടിക്കാട്ടി.

ഭരണനിര്‍വ്വഹണത്തില്‍ പരിചയസമ്പന്നനായ ഉദ്യോഗസ്ഥനാണെങ്കിലും ഹജ്ജിന്റെ ആത്മീയ വശങ്ങള്‍ ഉള്‍ക്കൊള്ളാന്‍ അദ്ദേഹത്തിന് കഴിയുമോ എന്നതില്‍ സംശയമുണ്ടെന്ന് ജമാ മസ്ജിദ് ട്രസ്റ്റി ഷുഐബ് ഖത്തീബ് പറഞ്ഞു. സൗദി അറേബ്യയിലെ വിശുദ്ധ പ്രദേശങ്ങളില്‍ മുസ്‌ലിംകള്‍ക്ക് അല്ലാത്തവര്‍ക്ക് പ്രവേശനം അനുവദിക്കാത്ത സാഹചര്യത്തില്‍, തീര്‍ത്ഥാടകര്‍ നേരിടുന്ന പ്രായോഗിക ബുദ്ധിമുട്ടുകള്‍ നേരിട്ട് മനസ്സിലാക്കാന്‍ ഉദ്യോഗസ്ഥന് എങ്ങനെ സാധിക്കും?- അദ്ദേഹം ചോദിച്ചു.
നേരത്തെ ഉത്തര്‍പ്രദേശ് സര്‍ക്കാരും സംസ്ഥാന ഹജ്ജ് കമ്മിറ്റി സെക്രട്ടറി ആയി അമുസ്ലിം ഉദ്യോഗസ്ഥനെ നിയമിച്ചത് വലിയ വിവാദങ്ങള്‍ക്കിടയാക്കിയിരുന്നു.

ചന്ദ്രപ്പിറവി അനുസരിച്ച് മെയ് 25 മുതല്‍ 30 വരെയാണ് 2026ലെ ഹജ്ജ് കര്‍മ്മങ്ങള്‍ നടക്കുക. ഇന്ത്യയില്‍ നിന്നുള്ള ആകെ ക്വാട്ടയായ 1.75 ലക്ഷം തീര്‍ത്ഥാടകരില്‍ ഭൂരിഭാഗം പേരെയും ഹജ്ജ് കമ്മിറ്റിയാണ് സഹായിക്കുന്നത്.

ALSO READ: പശ്ചിമേഷ്യയില്‍ യുദ്ധഭീതി ഒഴിഞ്ഞു; ഇടപെട്ടത് ഗള്‍ഫ് രാഷ്ട്രങ്ങള്‍; സമ്മര്‍ദ്ദത്തിനുമുന്നില്‍ ട്രംപിന് വഴങ്ങേണ്ടി വന്നു

For the first time in the history of the Maharashtra State Haj Committee, a non-Muslim has been appointed as Chief Executive Officer (CEO) of the state Haj Committee. ?Manoj Jadhav, an Indian Administrative Service (IAS) officer, has taken over charge of the committee, succeeding Shaikh Ibrahim Shaikh Aslam.