ഫുട്ബോൾ ലോകത്തെ അമ്പരിപ്പിച്ചുകൊണ്ട് 41ാം പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോ മിന്നും പ്രകടനമാണ് നടത്തിക്കൊണ്ടിരിക്കുകയാണ്. കരിയറിന്റെ അവസാന ഘട്ടത്തിലേക്ക് കടക്കുമ്പോഴും പ്രായം തളർത്താത്ത പോരാട്ടവീര്യമാണ് റൊണാൾഡോ കാഴ്ചവെക്കുന്നത്. ഇപ്പോൾ റൊണാൾഡോയുടെ വിരമിക്കലിനെക്കുറിച്ച് സംസാരിച്ചിരിക്കുകയാണ് ബ്രസീലിയൻ ഇതിഹാസം റോബർട്ടോ കാർലോസ്. റൊണാൾഡോ ഫുട്ബോളിൽ നിന്നും വിരമിക്കരുതെന്നാണ് റോബർട്ടോ കാർലോസ് പറഞ്ഞത്. യുവതാരങ്ങൾക്ക് റൊണാൾഡോ വലിയ മാതൃകയാണെന്നും ബ്രസീലിയൻ ഇതിഹാസം വ്യക്തമാക്കി. 

''ക്രിസ്റ്റ്യാനോക്ക് ഫുട്ബോൾ കളിക്കുന്നത് നിർത്താൻ കഴിയില്ല. അവൻ എപ്പോഴെങ്കിലും കളി നിർത്താൻ തീരുമാനിച്ചാൽ ഞാൻ അവനെ വിളിച്ച് നിർത്തരുതെന്ന് പറയും. ഒരു കാല് കൊണ്ട് മാത്രം ഇഴഞ്ഞു നീങ്ങുകയാണെങ്കിലും അവൻ ഒരിക്കലും ഫുട്ബോൾ കളിക്കുന്നത് നിർത്തരുത്. ദേശീയ ടീമിനും ക്ലബ്ബുകൾക്കും വേണ്ടി ഒരുപാട് മത്സരങ്ങൾ കളിച്ച താരമാണ് റൊണാൾഡോ. ഫുട്ബോളിലേക്ക് വരാൻ ആഗ്രഹിക്കുന്ന ഏതൊരു യുവതാരത്തിനും റൊണാൾഡോ മാതൃകയാണ്. അതിനുള്ള ഊർജവും ശക്തിയും റൊണാൾഡോ അവർക്ക് നൽകുന്നുണ്ട്'' റോബർട്ടോ കാർലോസ് ഗോളിന് നൽകിയ അഭിമുഖത്തിൽ പറഞ്ഞു. 

നിലവിൽ റൊണാൾഡോ സഊദി പ്രൊ ലീഗ് ക്ലബായ അൽ നസറിന്റെ താരമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്.  ഇതിനോടകം തന്നെ റൊണാൾഡോയുടെ ഗോൾ നേട്ടം 961 ആയി ഉയർന്നിട്ടുണ്ട്. 39 ഗോളുകൾ കൂടി നേടാൻ സാധിച്ചാൽ ഫുട്ബോളിൽ ആയിരം ഗോളുകൾ എന്ന നാഴികക്കല്ലിലേക്ക് നടന്നു കയറാനും റൊണാൾഡോക്ക് സാധിക്കും. 

The 41st Portuguese legend Cristiano Ronaldo is stunning the football world. Even as he enters the final stages of his career, Ronaldo is showing a fighting spirit that does not let up with age. Now, Brazilian legend Roberto Carlos is talking about Ronaldo's retirement. Roberto Carlos said that Ronaldo should not retire from football. The Brazilian legend also clarified that Ronaldo is a great role model for young players.