പാലക്കാട്: നിയമസഭാ തെരഞ്ഞെടുപ്പില്‍ മലമ്പുഴ മണ്ഡലത്തില്‍ മുന്‍ മുഖ്യമന്ത്രി വി.എസ് അച്യൂതാനന്ദന്റെ പേഴ്സണല്‍ അസിസ്റ്റന്റ് ആയിരുന്ന എ സുരേഷിനെ മത്സരിപ്പിക്കാന്‍ കോണ്‍ഗ്രസ് നീക്കം. ഇത് സംബന്ധിച്ച് കോണ്‍ഗ്രസ് നേതാക്കള്‍ സുരേഷുമായി സംസാരിച്ചു.ഇക്കാര്യം സുരേഷ് സ്ഥിരീകരിച്ചിട്ടുണ്ട്. യു.ഡി.എഫ് സ്വതന്ത്രനായി സുരേഷിനെ മത്സരിപ്പിക്കാനാണ് നീക്കം നടത്തുന്നത്.

അതേസമയം, തല്‍ക്കാലം തീരുമാനമൊന്നും എടുത്തിട്ടില്ലെന്ന് സുരേഷ് തൃശൂരില്‍ മാധ്യമങ്ങളോട് പ്രതികരിച്ചു. കെ.പി.സി.സിയുടെ ഉത്തരവാദപ്പെട്ട നേതാക്കന്മാര്‍ സംസാരിച്ചുവെന്നും സുരേഷ് സ്ഥിരീകരിച്ചു. 

ALSO READ: ആർ.ജെ.ഡി യോഗത്തിൽ മുന്നണി വിടണമെന്ന് ആവശ്യം; രാജി സന്നദ്ധത അറിയിച്ച് ശ്രേയാംസ് കുമാർ

പാര്‍ട്ടിയില്‍ നിന്ന് പുറത്താക്കിയിട്ട് 11 വര്‍ഷത്തോളമായി. എന്നാല്‍, ഇപ്പോഴും ഇടതുപക്ഷ അനുഭാവിയായി തുടരുന്നയാളാണ് താനെന്നും കേരളത്തില്‍ ഇടതുപക്ഷത്തിന്റെ മൂല്യങ്ങള്‍ ചോര്‍ന്നുപോകുന്നതിന് എതിരായുള്ള ആയിരക്കണക്കിനാളുകള്‍ക്കൊപ്പമാണ് താനുമുള്ളതെന്ന് സുരേഷ് പറഞ്ഞു.

ദീര്‍ഘകാലമായി സി.പി.എമ്മുമായി അകന്നുനില്‍ക്കുകയാണ് എ സുരേഷ്. ഈ സാഹചര്യത്തിലാണ് കോണ്‍ഗ്രസ് നേതാക്കള്‍ സുരേഷുമായി ബന്ധപ്പെട്ടത്.

Congress leaders have held discussions with E Suresh, former personal assistant of ex-Chief Minister VS Achuthanandan, about contesting the Kerala Assembly election from the Malampuzha constituency as a UDF-backed independent candidate. Suresh confirmed the talks but stated that no final decision has been taken yet.