തിരുവനന്തപുരം: അതിക്രമിച്ച് കയറിയത് ചോദ്യം ചെയ്ത തിരുവനന്തപുരം മെഡിക്കല്‍ കോളജില്‍ സുരക്ഷാ ജീവനക്കാരന് ക്രൂരമര്‍ദനം. മെഡിക്കല്‍ കോളജ് ലൈബ്രറിയിലെ സുരക്ഷാ ജീവനക്കാരന്‍ അനില്‍ കുമാറാണ് മര്‍ദനത്തിനിരയായത്. മെഡിക്കല്‍ കോളജ് ഗാര്‍ഡനില്‍ കയറിയത് ചോദ്യം ചെയ്തതിനാണ് മര്‍ദ്ദിച്ചത്. 

ഫെബ്രുവരി 6 ന് രാത്രിയില്‍ ജോലി ചെയ്യുന്നതിനിടെയാണ് മെഡിക്കല്‍ കോളജ് ഗാര്‍ഡനില്‍ മൂന്ന് പേര്‍ അതിക്രമിച്ച് കയറിയതായി അനില്‍കുമാറിന്റെ ശ്രദ്ധയില്‍പെട്ടത്. ഇത് അദ്ദേഹം ചോദ്യം ചെയ്തു. തുടര്‍ന്ന് അനില്‍കുമാറിനെ മൂന്നുപേരും ചേര്‍ന്ന് മര്‍ദിക്കുകയായിരുന്നു. ചോദ്യം ചെയ്ത ശേഷം തിരിഞ്ഞുനടന്ന് പോവുകയായിരുന്ന അനില്‍കുമാറിനെ കൂട്ടത്തില്‍ ഒരാള്‍ ചവിട്ടി വീഴ്ചത്തി. മൂക്കിന്റെ പാലം ഇടിച്ച് തകര്‍ക്കുകയും ചെയ്തു. കൂടാതെ, അനില്‍ കുമാറിന്റെ അക്രമികള്‍ ഫോണില്‍ നിന്ന് സിം കാര്‍ഡ് എടുത്ത് നശിപ്പിക്കുകയും ചെയ്തു.

ALSO READ: സച്ചിദാനന്ദന്റെ തുറന്നുപറച്ചിൽ വെട്ടിലായി സി.പി.എം; അനുകൂലിച്ചും എതിർത്തും സാംസ്കാരിക- രാഷ്ട്രീയ കേരളം

മൂന്ന് പ്രതികളില്‍ രണ്ട് പേരെ പൊലിസ് അറസ്റ്റ് ചെയ്തിട്ടുണ്ട്. എന്നാല്‍, മറ്റൊരു പ്രതിയായ അഖിലിനെ കുറിച്ച് ഇതുവരെ വിവരമൊന്നും ലഭിച്ചിട്ടില്ല. ഇയാളാണ് അനില്‍കുമാറിനെ ക്രൂരമായി മര്‍ദിച്ചതെന്നാണ് വിവരം.

a security guard at thiruvananthapuram medical college was brutally assaulted after questioning trespassers in the campus garden. two accused have been arrested while one suspect remains absconding.