പത്തനംതിട്ട: സി.പി.എം നേതാവ് കെ.പി ഉദയഭാനുവിനെതിരേ നിയമനടപടിയുമായി ആന്റോ ആന്റണി എംപി. വക്കീല്‍ നോട്ടിസയച്ചു. തന്ത്രിയുടെ പണം എന്‍.എം രാജുവിന്റെ ധനകാര്യ സ്ഥാപനത്തില്‍ ഉണ്ടെന്നും സ്ഥാപനം പൊളിഞ്ഞപ്പോള്‍ താന്‍ പിന്‍വലിച്ചു എന്നും ഉദയഭാനു പറഞ്ഞത് പച്ചക്കള്ളമാണെന്ന് തെളിഞ്ഞുവെന്നും ആന്റോ ആന്റണി എം.പി പറഞ്ഞു.

സി.പി.എം സംസ്ഥാന കമ്മിറ്റി അംഗമായ ഉദയഭാനു ആരോപണങ്ങള്‍ പിന്‍വലിച്ചില്ലെങ്കില്‍ നിയമനടപടി തുടങ്ങുമെന്നാണ് വക്കീല്‍ നോട്ടിസ് വിശദമാക്കുന്നത്. ഒരു കോടി രൂപ നഷ്ടപരിഹാരവും ആവശ്യപ്പെട്ടു.

ALSO READ: സച്ചിദാനന്ദന്റെ തുറന്നുപറച്ചിൽ വെട്ടിലായി സി.പി.എം; അനുകൂലിച്ചും എതിർത്തും സാംസ്കാരിക- രാഷ്ട്രീയ കേരളം

ആദ്യ ആരോപണം പൊളിഞ്ഞപ്പോള്‍ നിക്ഷേപ തട്ടിപ്പ് കേസില്‍ ജയിലില്‍ കിടന്ന രാജുവിന്റെ പുതിയ ആരോപണവും ഏറ്റെടുത്ത് വരികയാണ്. രാജു എല്‍.ഡി.എഫ് ഘടകകക്ഷിയില്‍ പെട്ട ആളാണ്. രണ്ട് കോടി വാങ്ങിയെന്ന് രാജു പറഞ്ഞത് വ്യാജ ആരോപണമെന്നും ആന്റോ ആന്റണി പറഞ്ഞു.

ഉദയഭാനുവോ എന്‍.എം രാജുവോ താന്‍ രണ്ടുകോടി വാങ്ങിയതിന്റെ രേഖ പുറത്തുവിടണമെന്നും ആന്റോ ആന്റണി എം.പി ആവശ്യപ്പെട്ടു. ഒരുപാട് സത്യങ്ങള്‍ പുറത്തു വരാനുണ്ടെന്ന് മന്ത്രി വീണാ ജോര്‍ജിനും ആന്റോ ആന്റണി മുന്നറിയിപ്പ് നല്‍കി. വീണ ജോര്‍ജ് കാത്തിരിക്കണമെന്നും ആന്റോ ആന്റണി പറഞ്ഞു.

12 വര്‍ഷം മുന്‍പ് സോണിയ ഗാന്ധിയെ കാണാന്‍ പോറ്റിക്ക് അവസരം ഒരുക്കിയത് താന്‍ അല്ല. കര്‍ണാടകയില്‍ നിന്നുള്ള നേതാക്കളാണ്. എസ്.ഐ.ടി അത് കണ്ടെത്തിയിട്ടുണ്ട്. സ്വര്‍ണക്കൊള്ളയില്‍ സി.പി.എമ്മിന് പങ്കുണ്ടെന്നും കുറ്റപത്രം വരുമ്പോള്‍ മനസ്സിലാകുമെന്നും ആന്റോ ആന്റണി പറഞ്ഞു.

Congress MP Anto Antony has initiated legal action against CPM leader and state committee member K P Udayabhanu by issuing a legal notice. Anto Antony stated that Udayabhanu’s allegation claiming that temple funds were deposited in the financial institution of N M Raju and later withdrawn by him has been proven to be completely false.