കുവൈത്ത് സിറ്റി: കുവൈത്ത് ലെബനീസ് സമൂഹത്തിന് രണ്ടാമത്തെ വീടല്ല, മറിച്ച് സ്വന്തം നാട് പോലെയാണെന്ന്  ലെബനീസ് മന്ത്രി പോൾ മോർകോസ്  വ്യക്തമാക്കി. കുവൈത്ത് സിറ്റിയിലെ ലെബനീസ് എംബസിയിൽ നടത്തിയ വാർത്താസമ്മേളനത്തിലാണ് അദ്ദേഹം ഇക്കാര്യം അറിയിച്ചത്.

കുവൈത്തും ലെബനോണും തമ്മിലുള്ള സഹോദരബന്ധം ലെബനീസ് സമൂഹത്തിന് സുരക്ഷ നൽകുന്നതായി അദ്ദേഹം കൂട്ടിച്ചേർത്തു. യുദ്ധകാലങ്ങളിൽ ലെബനോണിന് കുവൈത്ത് നൽകിയ പിന്തുണയും സംഭാവനകളും ചെറുതല്ലായെന്നും അദ്ദേഹം വ്യക്തമാക്കി.

കൂടാതെ രാജ്യത്തിന്റെ തെക്കൻ ഭാഗങ്ങളിൽ സംസ്ഥാന അധികാരം ശക്തിപ്പെടുത്തേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി. ലെബനീസ് സൈന്യത്തിന് ലിതാനി നദിയുടെ തെക്കൻ മേഖലയിൽ പ്രവർത്തന നിയന്ത്രണം നിലവിലുണ്ടെന്നും, വടക്കൻ ഭാഗങ്ങളിൽ സൈനിക വിന്യാസം ശക്തിപ്പെടുത്താനുള്ള ശ്രമങ്ങൾ പുരോഗമിക്കുകയാണെന്നും  അദ്ദേഹം വ്യക്തമാക്കി.

മയക്കുമരുന്ന് നിർമ്മാണവും കടത്തും ചെറുക്കുന്നതിലും അതിർത്തി സുരക്ഷ ഉറപ്പാക്കുന്നതിലും സർക്കാർ പ്രതിബദ്ധമാണെന്ന് മന്ത്രി പറഞ്ഞു. അറബ് രാജ്യങ്ങളിലേക്കുള്ള അനധികൃത കടത്ത് ശ്രമങ്ങൾ തടയാൻ ശക്തമായ നടപടി തുടരുന്നതായും അദ്ദേഹം കൂട്ടിച്ചേർത്തു.

Lebanese Information Minister Paul Morcos stated in Kuwait City that Kuwait is not a “second home” but feels like the Lebanese community’s own country due to strong bilateral ties. He praised Kuwait’s historical support for Lebanon and emphasized efforts to strengthen state authority, particularly in southern Lebanon under the Lebanese Army’s operational control. Morcos reaffirmed the government’s commitment to border security, combating drug trafficking, and adhering to constitutional frameworks and international resolutions, including UN Resolution 1701, with the broader goal of extending state authority and ensuring national stability.