മലയാളി സൂപ്പർതാരം സഞ്ജു സാംസണിനെ പ്രശംസിച്ച് മുൻ ഇന്ത്യൻ ഓപ്പണർ വിരേന്ദർ സെവാഗ്. സഞ്ജു സാംസൺ ഇന്ത്യൻ ഇതിഹാസം യുവരാജ് സിങ്ങിനെപോലെയാണെന്നാണ് സെവാഗ് പറഞ്ഞത്. സഞ്ജുവിന് അനായാസം സിക്സുകൾ നേടാനുള്ള കഴിവുണ്ടെന്നും സെവാഗ് അഭിപ്രായപ്പെട്ടു. 

''സഞ്ജു സാംസൺ യുവരാജ് സിങ്ങിനെ പോലെയാണ്. അനായാസം സിക്സുകൾ നേടാനുള്ള കഴിവ് സഞ്ജുവിനുണ്ട്. മികച്ച ഷോട്ടുകളിൽ അവരുടെ ബാറ്റ് മുകളിലേക്ക് ഉയരും. സ്പിന്നർമാർക്കെതിരെയാണ് സഞ്ജു മികച്ച ഷോട്ടുകൾ കളിക്കുന്നത്. ചെന്നൈ ചെപ്പോക് സ്റ്റേഡിയത്തിൽ സ്പിന്നർമാർ വരുന്ന സമയം വരെ സഞ്ജുവിന് ക്രീസിൽ നിൽക്കാൻ കഴിയുന്നില്ല'' സെവാഗ് പറഞ്ഞു.

2026 ഐപിഎല്ലിൽ സഞ്ജുവിന് ഇതുവരെ ഫോമിലെത്താൻ സാധിച്ചിട്ടില്ല. ആദ്യ മൂന്ന് മത്സരങ്ങളിൽ സഞ്ജു  നിരാശപ്പെടുത്തിയ പ്രകടനമാണ് നടത്തിയത്. ഏഴു പന്തിൽ ആറ് റൺസ് നേടിയാണ് സഞ്ജു രാജസ്ഥാനെതിരെ മടങ്ങിയത്. പഞ്ചാബിനെതിരെ ഏഴു പന്തിൽ ഏഴ് റൺസും നേടി. ആർസിബിക്കെതിരെ ഒമ്പത് റൺസും നേടി സഞ്ജു പുറത്തായി. 

ഏപ്രിൽ 11ന് ഡൽഹി ക്യാപ്പിറ്റൽസിനെതിരെയാണ് ചെന്നൈയുടെ അടുത്ത മത്സരം. സീസണിൽ ആദ്യ വിജയം ലക്ഷ്യമിട്ടിറങ്ങുന്ന നാലാം മത്സരത്തിൽ ചെന്നൈക്കൊപ്പം സഞ്ജു ശക്തമായ തിരിച്ചുവരവ് നടത്തുമോയെന്ന് കണ്ടുതന്നെ അറിയണം. 

Former Indian opener Virender Sehwag has praised Malayali superstar Sanju Samson. Sehwag said that Sanju Samson is like Indian legend Yuvraj Singh. Sehwag also commented that Sanju has the ability to hit sixes with ease.