ദുബൈ: അൽ ഖൂസ് ഇൻഡസ്ട്രിയൽ ഏരിയയിലെ ജിമ്മിന്റെ വെയർഹൗസിൽ തീപിടുത്തം. തീ നിയന്ത്രണ വിധേയമാക്കിയതായി ദുബൈ സിവിൽ ഡിഫൻസ് അറിയിച്ചു. ഇന്ന് പുലർച്ചെയാണ് തീപിടുത്തമുണ്ടായത്. തീപിടുത്തത്തിൽ ആളപായമില്ലെന്ന് അധികൃതർ സ്ഥിരീകരിച്ചു.

ALSO READ: യുഎഇയിൽ നഴ്‌സറികൾ ഈ ആഴ്ച തുറക്കും; സ്‌കൂളുകളുടെ കാര്യത്തിൽ തീരുമാനം നാളെ

ഇന്ന് പുലർച്ചെ 3.45-നാണ് തീപിടുത്തത്തെക്കുറിച്ചുള്ള സന്ദേശം സിവിൽ ഡിഫൻസ് കൺട്രോൾ റൂമിൽ ലഭിച്ചത്. അഗ്നിശമന സേനാംഗങ്ങൾ ഉടൻ തന്നെ സ്ഥലത്തെത്തി സമീപത്തുള്ള മറ്റ് കെട്ടിടങ്ങളിലേക്ക് തീ പടരുന്നത് തടഞ്ഞു. ദ്രുതഗതിയിലുള്ള രക്ഷാപ്രവർത്തനത്തിലൂടെ ചുരുങ്ങിയ സമയത്തിനുള്ളിൽ തന്നെ തീ പൂർണ്ണമായും അണയ്ക്കാൻ സാധിച്ചു.

ALSO READ: പ്രപഞ്ച ചരിത്രവും പ്രവാചകന്മാരുടെ ജീവിതവും പറയുന്ന 100 വാല്യങ്ങളുള്ള പുസ്തകവുമായി ഷാര്‍ജ ഭരണാധികാരി

തീപിടുത്തത്തിന്റെ കാരണം വ്യക്തമല്ല. സംഭവത്തിൽ വിശദമായ അന്വേഷണം ആരംഭിച്ചിട്ടുണ്ട്. ഇതുസംബന്ധിച്ച റിപ്പോർട്ടുകൾ പുറത്തുവന്നാലുടൻ കൂടുതൽ വിവരങ്ങൾ ലഭ്യമാകുമെന്ന് അധികൃതർ അറിയിച്ചു. പുലർച്ചെ തന്നെ തീ നിയന്ത്രണവിധേയമാക്കാൻ സാധിച്ചതിനാൽ വലിയൊരു ദുരന്തമാണ് ഒഴിവായത്.

a fire broke out at a warehouse in dubai al quoz and was quickly brought under control by civil defence authorities no injuries were reported officials confirmed safety measures were followed and investigations are underway to determine the cause of the incident