തൃശ്ശൂര്‍: പൂരങ്ങളുടെ പൂരത്തിന് ഇന്ന് ഔദ്യോഗിക കൊടിയേറ്റം. സാംസ്‌കാരിക നഗരി ഇനി ഒരാഴ്ചക്കാലം പൂര ലഹരിയിലായിരിക്കും. രാവിലെ 11ഓടെ തിരുവമ്പാടിയിലും പിന്നാലെ പാറമേക്കാവിലും കൊടിയേറ്റം നടക്കുന്നതോടെ പൂരത്തിരക്കുകളിലേക്ക് നഗരം മാറും.

ഏപ്രില്‍ 24നാണ് വര്‍ണാഭമായ ചമയപ്രദര്‍ശനം. ഏപ്രില്‍ 26നാണ് ലോകപ്രശസ്തമായ തൃശ്ശൂര്‍ പൂരം നടക്കുക. ഘടകക്ഷേത്രങ്ങളുടെ വരവ്, ഇലഞ്ഞിത്തറ മേളം, കുടമാറ്റം, പുലര്‍ച്ചെയുള്ള വെടിക്കെട്ട് എന്നിവയാണ് പൂരത്തിന്റെ പ്രധാന ആകര്‍ഷണങ്ങള്‍.

പൂരത്തിന്റെ ഭാഗമായ ലാലൂര്‍ കാര്‍ത്ത്യായനി ക്ഷേത്രത്തിലാണ് ഇന്ന് ആദ്യം കൊടിയേറ്റ് നടന്നത്. പുരാതനമായ ഈ ക്ഷേത്രത്തിലെ ദേവി ബാലരൂപിണിയായതിനാല്‍ ഇവിടെ വെടിക്കെട്ടോ കടുംനിറത്തിലുള്ള വസ്ത്രങ്ങളോ ഉപയോഗിക്കാറില്ല. പൂരദിവസം രാവിലെയും വൈകുന്നേരവും വാദ്യമേളങ്ങളുടെ അകമ്പടിയോടെ ലാലൂര്‍ ഭഗവതി വടക്കുന്നാഥനെ വണങ്ങാന്‍ എത്തും.

Thrissur Pooram festivities officially kick off today with the ceremonial flag hoisting at various temples, leading up to the grand finale on April 26.