വയസ്സ് കൂടുമ്പോള്‍ വലിച്ചെറിയപ്പെടുന്ന 'ഡിസ്‌പോസിബിള്‍ സംസ്‌കാര' ത്തിലാണ് ന്യൂ ജനറേഷന്‍. മാതാപിതാക്കള്‍ വൃദ്ധരാകുമ്പോള്‍ വൃദ്ധസദനങ്ങളോ പീടികതിണ്ണയോ വൃക്ഷച്ചുവടോ ഒക്കെ അഭയസ്ഥാനമാകുന്ന ദയനീയ കാഴ്ചകള്‍ നിരവധിയുണ്ട്. മതപരമായ നിയമങ്ങളോ സാമൂഹിക ചുറ്റുപാടുകള്‍ക്കോ തടഞ്ഞുനിര്‍ത്താനാവാത്തവിധം വര്‍ധിച്ചുവരികയാണ്  ഈപ്രവണത.
വയോജനങ്ങളുടെ ക്ഷേമം ഉറപ്പുവരുത്താനാവശ്യമായ നിയമനിര്‍മാണം ശ്ലാഘനീയമാണ്. മാതാപിതാക്കളെ തെരുവില്‍ തള്ളുന്ന മക്കള്‍ക്കെതിരേ കര്‍ശന നടപടി എടുക്കുക, അവര്‍ക്ക് അഭയസ്ഥാനമായി 'പകല്‍വീട്'ഒരുക്കുക,സര്‍ക്കാര്‍ ഓഫിസുകളിലുംവാഹനങ്ങളിലും വയോജനങ്ങള്‍ക്ക് അര്‍ഹമായ പരിഗണന നല്‍കുക തുടങ്ങിയ നിയമങ്ങളൊക്കെ പുതുതലമുറക്ക് താക്കീതായി മാറട്ടെ. എല്ലാനിയമങ്ങളെയുംപോലെ ഇതെങ്കിലും പഴക്കമേറിയാലും കാലഹരണപ്പെടാതിരുന്നെങ്കില്‍...