ഗുവാഹത്തി: കേരളവും ആന്ധ്രപ്രദേശും തമ്മിലുള്ള രഞ്ജി ട്രോഫി മത്സരം സമനിലയില്‍ അവസാനിച്ചു. സമനില കേരളത്തിന്റെ എലൈറ്റ് ഗ്രൂപ്പ് പ്രതീക്ഷകള്‍ക്കും വിരാമമിട്ടു.  നാലാം ദിനം കേരളം ഉയര്‍ത്തിയ 296 റണ്‍സ് വിജയ ലക്ഷ്യം പിന്തുടര്‍ന്ന ആന്ധ്ര നാലു വിക്കറ്റ് നഷ്ടത്തില്‍ 193  എന്ന നിലയില്‍ നില്‍ക്കെ മത്സരം സമനിലയില്‍ അവസാനിക്കുകയായിരുന്നു.
ആദ്യ ഇന്നിങ്‌സില്‍ കേരളം 219ഉം രണ്ടാമിന്നിങ്‌സില്‍ ആറു വിക്കറ്റ് നഷ്ടത്തില്‍ 302ഉം റണ്‍സെടുത്തിരുന്നു. ആന്ധ്ര ആദ്യ ഇന്നിങ്‌സില്‍ 226 റണ്‍സെടുത്ത് വിലപ്പെട്ട ഏഴു റണ്‍സ് ലീഡ് സ്വന്തമാക്കിയതാണ് കേരളത്തിനു തിരിച്ചടിയായത്.