തേഞ്ഞിപ്പലം: സംസ്ഥാന കായികോത്സവം സമാപിക്കുമ്പോള്‍ സേവനത്തില്‍ മികച്ചുനിന്ന് പൊലിസും. കാണികളായെത്തിയ ആയിരങ്ങള്‍ പൊലിസിന് യാതൊരു പ്രശ്‌നങ്ങളും ഉണ്ടാക്കിയില്ലെന്നതു ജില്ലയിലെ ജനങ്ങളുടെയും കായിക പ്രേമികളുടെയും തികഞ്ഞ സഹകരണമാണെന്നു പൊലിസ് പറയുന്നു.
ജില്ലയിലെ വിവിധ സ്റ്റേഷനുകളില്‍നിന്നാണ് ഡ്യൂട്ടിക്കായി പൊലിസെത്തിയത്. തിരൂരങ്ങാടി സി.ഐ കെ. ബാബുരാജ്, മലപ്പൂറം വനിതാ സെല്‍ സി.ഐ കെ.എം ലീല, തേഞ്ഞിപ്പലം എസ്.ഐ അഭിലാഷ് എന്നിവരാണ് നേതൃത്വം നല്‍കിയത്.