ഹൈദരാബാദ്: ഹൈദരാബാദിലെ യൂബര്‍ ടാക്‌സി ഡ്രൈവറുടെ അക്കൗണ്ടില്‍ ഏഴു കോടിയുടെ നിക്ഷേപം. ഇയാളുടെ അക്കൗണ്ട് പരിശോധിച്ച ആദായ നികുതി വകുപ്പ് ഉദ്യോഗസ്ഥരാണ് അനധികൃതമായി നിക്ഷേപിച്ച തുക കണ്ടെത്തിയത്. പഴയ നോട്ടുകളാണ് നിക്ഷേപിച്ചതെന്നാണ് കണ്ടെത്തല്‍. എന്നാല്‍ ഈ തുക പിന്നീട് മറ്റു അക്കൗണ്ടുകളിലേക്ക് മാറ്റുകയും ചെയ്തിട്ടുണ്ട്. ഇവ പരിശോധിക്കുകയാണ് ആദായ നികുതി വകുപ്പ് ഉദ്യോഗസ്ഥര്‍.

കഴിഞ്ഞ ദിവസങ്ങളിലായി ആദായ നികുതി വകുപ്പും വിജിലന്‍സ് വിഭാഗവും നടത്തിയ സംയുക്ത പരിശോധനയില്‍ അനധികൃതമായി സൂക്ഷിച്ച കോടിക്കണക്കിന് രൂപയാണ് കണ്ടെത്തിയത്. ആദായ നികുതി വകുപ്പിന്റെ പരിശോധന ഇപ്പോഴും രാജ്യത്തിന്റെ വിവിധ ഭാഗങ്ങളില്‍ തുടരുകയാണ്.